ކަރަބާއޯ ކަޕުން އާސެނަލް ކަޓައިފި

އިނގިރޭސިވިލާތުގައި ބާއްވާ އެންމެ ޝަރަފްވެރި އެއް މުބާރާތް ކަމަށްވާ ކަރަބާއޯ ކަޕުން އާސެނަލް ކަޓައިފިއެވެ.

މި މުބާރާތުން އާސެނަލް ކަޓާފައިވަނީ، ހަތަރުވަނަ ބުރުގައި ރޭ ފްލީޓްވޫޑާ ދެކޮޅަށް ކުޅުނުމެޗުން ޕެނަލްތީ ޖަހަައިގެން ބަލިވުމުންނެވެ. ޕެނަލްޓީއަށް ގޮސްގެން މެޗްގެ ނަތީޖާ ނެރެފައިވަނީ މެޗްގެ ކުޅުމުގެ ތެރޭގައި ދެޓީމުންކުރެ އެއްވެސް ޓީމަކަށް ނަތީޖާ ނުނެރެވުމުންނެވެ. މެޗްގެ ކުޅުމުގެ ވަގުތު ނިމުނީ 1-1 ގެ ނަތީޖާއިން ދެޓީމް އެއްވަރުވެގެންނެވެ.

ފޯރިގަދަ ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީވެސް ފްލީޓްވޫޑުންނެވެ. އެއީ 21 ވަނަ މިނެޓް ތެރޭގައި ލޮޕާލޯ ކާމިޔާބުކޮށްދިން ލަނޑުންނެވެ. މެޗުން ފްލީޓްވޫޑް ލީޑް ނަގާފައިވަނިކޮށް އާސެނަލުން އެއްވަރުކުރި ލަނޑު ޖެހީ ފަހު ހާފްގައެވެ. އެއީ 50 ވަނަ މިނެޓް ތެރޭގައި ގިޔޮކެރެސް ކާމިޔާބުކޮށްދިން ލަނޑުންނެވެ. މިމެޗް ޕެނަލްޓީ ޖަހައިގެން ފްލީތްވޫޑް ކާމިޔާބުކުރީ 5-3 ގެ ނަތީޖާއިންނެވެ.

މެޗްގައި އާސެނަލްގެ ޑޯމަންއަށް ދެއްކި ރަތްކާޑާ ގުޅޭގޮތުން އާސެނަލްގެ ކޯޝް މިކޭލް އާޓެޓާ ބުނީ، ކެމެރާއިން އެ މަންޒަރު އަދި ރަނގަޅަށް ނުބަލާ ކަމަށާއި، އެހެންކަމުން އެކަމާ ގުޅޭގޮތުން ވަކި އެއްޗެއް އަދި ބުނަން ނޭނގޭކަމަށެވެ. އަދި އެއީ ރެފްރީގެ ނިންމުމެއް ކަމަށާއި، އެކަކު މަދުކޮށް ކުޅެމުންވެސް ލަނޑެއް ޖަހަން ތިން ފުރުސަތު ލިބުނު ކަމަށް އޭނާ ފާހަގަކުރިއެވެ.