ނޯވޭ ބަލިކޮށް އިނގިރޭސިން ވަރލްޑްކަޕް ސެމީފައިނަލަށް

ނޯވޭ ބަލިކޮށް ވަރލްޑްކަޕް ސެމީފައިނަލުގެ ޖާގައެއް އިންގްލޭންޑުން ހޯދައިފިއެވެ.

ވަރލްޑްކަޕް ކުއާޓާ ފައިނަލުގެ ޖާގައެއް އިންގްލެންޑުން ހޯދާފައިވަނީ ރޭ ނޯވޭ އާ ދެކޮޅަށް ކުޅުނުމެޗް 2-1 ގެ ނަތީޖާއިން ކާމިޔާބުކޮށްގެންނެވެ. ރޭގެ މެޗްގައި އިންގްލެންޑްގެ ތަރިއަކަށްވީ ބެލިންހަމްއެވެ.

މެޗްގައި އެންމެފުރަތަމަ ލަނޑުޖަހައި ކުރި ހޯދީ ނޯވޭއިންނެވެ. އެއީ މެޗްގެ 36 ވަނަ މިނެޓް ތެރޭގައި އަންދްރޭސް ޝެލްޑެރަޕް ކާމިޔާބުކޮށްދިން ލަނޑުންނެވެ. ނޯވޭ ލީޑް ނަގާފައިވަނިކޮށް ފުރަތަމަ ހާފްގެ އެންމެ ފަހު ވަގުތުކޮޅުގެ ތެރޭގައު ބެލިންހަމް ވަނީ ލަނޑެއްޖަހައި މެޗްގެ ނަތީޖާ ހަމަހަމަކޮށްފައެވެ.

ދެވަނަ ހާފްގައި ނޯވޭއިން ލަނޑެއް ޖެހިނަމަވެސް ރެފްރީ ނިންމީ އެއީ ގޯލެއް ނޫންކަމަށެވެ. ސަބަބަކީ ލަނޑުޖެހުމުގެ ކުރިން ހާލާންޑް ފައުލްކޮށްފައިވާތީއެވެ. މެޗުން އިނގިރޭސިން މޮޅުކޮށްދިން ލަނޑު ބެލިންހަމް ޖަހައިދިނީ ދެވަނަ ހާފްގެ އިތުރުވަގުތުގެ ކުޅުމުގެ ތެރޭގައެވެ.

ސެމީފައިނަލުގައި އިނގިރޭސިން ބައްދަލުކުރާނޭ ޓީމެއް ކަނޑައެޅިގެންދާނީ، ސްވިޒަރލެންޑާއި އާޖެންޓީނާ ބައްދަލުކުރާ މެޗަށްފަހުއެވެ.