ދިރާގުން ޕޯސްޓްޕެއިޑް ކަސްޓަމަރުންނަށް "ލިމިޓްލެސް ބޫސްޓާސް" ތަޢާރަފުކޮށްފި

ދިރާގުން އަންލިމިޓެޑް ޕޯސްޓްޕެއިޑް ހިދުމަތްތަކަށް އިތުރު ފުރިހަމަކަމެއް ގެނެސްދިނުމުގެ ގޮތުން، އެ ކުންފުނީގެ ޕޯސްޓްޕެއިޑް ކަސްޓަމަރުންނަށް ހާއްސަކޮށްގެން "މުޅިން އާ، ލިމިޓްލެސް ބޫސްޓަރސް" ތަޢާރަފުކޮށްފިއެވެ.

މި ހިދުމަތާއެކު، ކަސްޓަމަރުންނަށް ވަރަށް ހަލުއި ސްޕީޑެއްގައި އިންޓަރނެޓް ޑޭޓާ އަންލިމިޓެޑްކޮށް ބޭނުން ކުރުމުގެ ފުރުސަތު ލިބިގެންދާނެއެވެ.

ކަސްޓަމަރުންގެ އެކި ބޭނުންތަކަށް އެކަށީގެންވާގޮތަށް ހިޔާރުކުރެވޭ، 1 ދުވަހުގެ މުއްދަތުން ފެށިގެން، 15 ދުވަހުގެ މުއްދަތައް ބޭނުންކުރެވޭ މި ބޫސްޓަރތަކުގެ 5 ވައްތަރެއް ދިރާގުން ވަނީ ތަޢާރަފްކޮށްފައެވެ.

ދިރާގުން ބުނީ، މި ބޫސްޓަރތައް އެކްޓިވޭޓްކުރަން ބޭނުންވާ ކަސްޓަމަރުންނަށް ދިރާގުއެޕް މެދުވެރިކޮށް ނުވަތަ އެ ބޫސްޓަރެއްގެ އެސް.އެމް.އެސް. ޝޯޓް ކޯޑް 143އަށް އެސް.އެމް.އެސްކޮށްގެން އެކްޓިވޭޓްކުރެވޭނެ ކަމަށެވެ.

ލިމިޓްލެސް ބޫސްޓަރތަކުގެ އެހީގައި، ސްޓްރީމްކުރުމަށް، ގޭމް ކުޅުމަށް، ކޮންމެ ތަނެއްގައި ހުރެގެން ވެސް މަސައްކަތްކުރުމަށާއި އަދި އެހެނިހެން ބޭނުންތަކަށް ގިނައިން ޑޭޓާ ބޭނުންވާ ކަސްޓަމަރުންނަށް، ފަސޭހަކަމާއެކު އަދި ހަލުއި ސްޕީޑުގައި އިންޓަރނެޓްގެ ހިދުމަތް ލިބިގެންދާނެ ކަމަށް ދިރާގުން ބުނެއެވެ. މިކަމުގެ ސަބަބުން ކަސްޓަމަރުންނަށް ބޭނުންވާ ވަގުތު ބޭނުންވާ މިންވަރަށް ޑޭޓާ ބޭނުންކުރުމުގެ ފުރުސަތު ތަނަވަސްވެގެންދާނެކަން ފާހަގަކޮށްފައިވެއެވެ.

ދިރާގުން މުޅިން އަލަށް މާކެޓަށް ތަޢާރަފުކޮށްފައިވާ މި ހިދުމަތަކީ، ދިރާގުގެ އަންލިމިޓެޑް ޕްލޭންތަކަށް އިތުރު ފުރިހަމަކަމެއް ގެނެސްދޭ ހިދުމަތެކެވެ. ދިރާގުން ދަނީ ލިމިޓްލެސް ޕޯސްޓްޕެއިޑް ޕްލޭންތަކާއި، ލިމިޓެއްނެތް ފައިބަރގެ ހިދުމަތްތަކާއެކު ކަސްޓަމަރުންގެ ތަފާތު ބޭނުންތަކަށް ހާއްސަކޮށްގެން ހެޔޮ އަގުގައި އަގުހުރި ހިދުމަތްތައް ފޯރުކޮށްދެމުންނެވެ.