ހާލަންޑު އަދި ވިނިޝިއަސް
ހާލަންޑު އަދި ވިނިޝިއަސް
ކުޅިވަރު 29 Oct 2025 | 12:30

މެޑްރިޑުން ވިނީޝިއަސް ދޫކޮށްލައި، ހާލަންޑް ގަންނަން ވިސްނަނީ

ފުޓްބޯޅައިގެ ގަދަބާރު، ރެއަލް މެޑްރިޑުން އެ ޓީމަށް ކުޅޭ ބްރެޒިލްގެ ފޯވާޑް ވިނިޝިއަސް ޖޫނިއާ ދޫކޮށްލައި، އިނގިރޭސި ކުލަބު މެންޗެސްޓާ ސިޓީއަށް ކުޅޭ އާލިން ހާލަންޑް ގަންނަ ވިސްނަން ފަށައިފިއެވެ.

ބޭރުގެ މީޑިއާގެ ބައެއް ރިޕޯޓްތަކަށް ބަލާއިރު ގޮތުގައި ރެއަލް މެޑްރިޑުން ވިނީޝިއަސް ދޫކޮށްލަން ވިސްނަނީ އޭނާގެ އައު އެއްބަސްވުމުގެ މުސާރައަށް އެއްބަސްނުވުމާއި އަދި އެ ޓީމުގެ ކޯޗު ޒަބީ އެލޮންސޯ އާއި ވިނީޝިއަސް އާއި ދެމެދު އުފެދިފައިވާ ނުތަނަވަސްކަމުގެ ސަބަބުންނެވެ.

އެގޮތުން ވިނީޝިއަސްގެ އެއްބަސްވުން 2027 ވަނަ އަހަރަށް ހަމަވާއިރު، މެޑްރިޑުން އޭނާއަށް އޮފާކުރަން ވިސްނަނީ އަހަރަކު 20-25 މިލިއަން ޔޫރޯ ލިބޭނެ އެއްބަސްވުމެކެވެ. އެހެން ނަމަވެސް ވިނީޝިއަސް ބޭނުންވަނީ އަހަރު 31.5 މިލިއަން ޔޫރޯ ލިބޭ މެޑްރިޑުގެ ފްރާންސް ފޯވާޑް ކިލިއަން އެމްބާޕޭ އާއި އެއްވަރުގެ ނުވަތަ އެއަށް ވުރެ ބޮޑު އަދަދެއްގެ މުސާރައެއް ކަމަށް ނޫސްތަކުން ރިޕޯޓުކުރެއެވެ.

މީގެ އިތުރުން އެންމެ ފަހުން މެޑްރިޑުން ވާދަވެރި ބާސެލޯނާއާއި ދެކޮޅަށް ކުޅުނު މެޗުގެ 72 ވަނަ މިނެޓުގައި އޭނާ ބަދަލުކުރަން ކޯޗު އެލޮންސޯ ނިންމުމުން، ކޯޗުގެ އެ ނިންމުމާއި މެދު ހިތްހަމަ ނުޖެހިގެން ވިނީޝިއަސް ވަނީ ޚިޔާލުފާޅުކޮށްފައެވެ. އަދި އެ ނިންމުމާއި މެދު ހިތްހަމަނުޖެހި އޭނާ ވަނީ ދަނޑުން ފައިބައިގެން ގޮސްފައެވެ.

ނޫސްތަކުން ރިޕޯޓުކުރާ ގޮތުގައި ވިނީޝިއަސް ވިއްކާލުމަށް މެޑްރިޑުން ވިސްނާ ސަބަބުތަކުގެ ތެރޭގައި އެކަން ވެސް ހިމެނެއެވެ.

ވިނީޝިއަސް ދޫކޮށްލުމަށްފަހު މެޑްރިޑުން ހާލަންޑު ގެނައުމަށް ވިސްނާއިރު، ހާލަންޑުގެ އެއްބަސްވުން ހަމަވާނީ 2034 ވަނަ އަހަރުއެވެ. އެ އެއްބަސްވުމުގެ ދަށުން ހާލަންޑް އެހެން ޓީމަކަށް ބަދަލުވުމުގެ ފުރުސަތު ވަރަށް ކުޑައިރު، އެ އެއްބަސްވުމުގައި ހިމަނައިފައިވާ ރިލީސް ކްލޯޒް ވެސް ސާފުވެފައެއް ނުވެއެވެ.

ބައެއް ނޫސްތަކުން ރިޕޯޓުކުރާ ގޮތުގައި އެ އެއްބަސްވުމުގެ ދަށުން މެޑްރިޑުން ހާލަންޑް ގަންނަން ބޭނުންވާނަމަ، ރިލީސް ކްލޯޒްގެ ގޮތުގައި 200 މިލިއަން ޔޫރޯ ދައްކަން ޖެހޭނެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.