އާސެނަލްގެ ކޯޗު މިކޭލް އާޓެޓާގެ އާ އެއްބަސްވުން ފައިނަލް ކުރުމުގެ މަސައްކަތް ނިމުމަކަށް
އާސެނަލްގެ ކޯޗު މިކޭލް އާޓެޓާއާއެކު ހަދާ އައު އެއްބަސްވުން ފައިނަލްކުރުމުގެ މަސައްކަތް އެ ކްލަބުން ފަށައިފިއެވެ.
ޓްރާންސްފާ މާކެޓް ބަންދުވުމާއެކު، އާސެނަލުން މިހާރު އެންމެ އިސްކަމެއް ދެނީ ކޯޗުގެ މުސްތަޤްބަލް ކަށަވަރުކުރުމަށެވެ.
މައުލޫމާތު ލިބޭގޮތުގައި، އާޓެޓާ އައު އެއްބަސްވުމެއްގައި ސޮއިކުރާނެކަމުގެ ފުރިހަމަ ޔަގީންކަން ކްލަބަށް އޮތްއިރު، ދެ ފަރާތުގެ މެދުގައި ކުރެވޭ މަޝްވަރާތައް މިހާރު ވަނީ ވަރަށް ބޮޑަށް ކުރިއަށް ގޮސްފައެވެ. އާސެނަލްގެ ޗީފް އެގްޒެކެޓިވް ރިޗަޑް ގާލިކް ވިދާޅުވީ، އާޓެޓާގެ އައު ދިގު މުއްދަތުގެ އެއްބަސްވުން އިޢުލާންކުރުމަކީ މިހާރު ހަމައެކަނި ވަގުތުގެ ކަމެއް ކަމަށެވެ.
މިކަމާ ގުޅޭގޮތުން ވާހަކަދައްކަމުން އާޓެޓާ ބުނީ، އޭނާ ހުރީ ކްލަބުގައި ވަރަށް އުފަލުން ކަމަށާއި، ކްލަބުގައި މަޑުކުރުމަކީ އޭނާގެ އަމިއްލަ އިޚްތިޔާރެއް ކަމަށެވެ. އެހެންކަމުން އެއްބަސްވުމުގެ ކަންކަން ހަމަޖެހުމުގައި އެއްވެސް ހުރަހެއް ނެތްކަން އޭނާ ވަނީ ކަށަވަރުކޮށްދީފައެވެ.
އައު އެއްބަސްވުމާއެކު، އާޓެޓާ ވެގެންދާނީ ދުނިޔޭގެ އެންމެ ބޮޑު މުސާރައެއް ލިބޭ ކޯޗުންގެ ތެރެއިން އެކަކަށެވެ. މިހާރުގެ އެއްބަސްވުމުގެ ދަށުން އަހަރަކު 10 މިލިއަން ޕައުންޑް އޭނާއަށް ލިބޭއިރު، އައު އެއްބަސްވުމުގައި މިއަށްވުރެ ބޮޑު މުސާރައެއް ދިނުމަށް އާސެނަލުން ވަނީ އެއްބަސްވެފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
