މެސީ އާއި ޔަމަލް (6މަހުގައި) ނަގާފައި ފޮޓޯއެއް- ފޮޓޯ/ޖޯން މޮންފޯޓް
މެސީ އާއި ޔަމަލް (6މަހުގައި) ނަގާފައި ފޮޓޯއެއް- ފޮޓޯ/ޖޯން މޮންފޯޓް
ކުޅިވަރު 17 Jul 2026 | 10:51

މެސީއާއި ޔަމަލްގެ ފޮޓޯތަކުގެ ހަގީގަތް ޔުނިސެފުން ހާމަކޮށްފި

މިމަހު 20 ދުވަހުގެ ރޭ ރާއްޖޭ ގަޑިން ދަންވަރު 12:00 ގައި ފީފާ ވޯލްޑްކަޕްގެ ފައިނަލްގައި ސްޕެއިން އާއި އާޖެންޓީނާ ބައްދަލުކުރާއިރު މި ދުވަސްވަރު މީސްމީޑިއާގައި އެންމެ ބޮޑަށް ވައިގައި ހިފާފައިވަނީ ލިއޮނަލް މެސީ އާއި ސްޕެއިންގެ ޒުވާން ތަރި ލަމީން ޔަމަލްގެ ފޮޓޯތަކެކެވެ.

މި ފޮޓޯ ތަކަކީ އަސްލު ނުވަތަ އޭއައި ފޮޓޯ ތަކެއްތޯވެސް ބައެއް ފަރާތްތަކުން ސުވާލުކުރަމުންދާއިރު، ފޮޓޯ ނެގި ސަބަބާއި ނެގި އިރު އެކަން ކުރުމުގައި އިސްކޮށް ހަރަކާތްތެރިވި ޔުނިސެފުން އިއްޔެ ވަނީ ކިޔައިދީފައެވެ.

މީގެ 18 އަހަރު ކުރިން ނަގާފައިވާ މި ފޮޓޯތަކުން ފެންނަނީ އުމުރުން އެންމެ 6 މަހުގެ ލަމީން ޔަމަލް ފެންވަރުވަން، އޭރު އުމުރުން 20 އަހަރުގެ މެސީ އެހީތެރިވާ މަންޒަރެވެ.

މި ފޮޓޯތަކަކީ 2007 ވަނަ އަހަރު ބާސެލޯނާގެ ކޭމްޕް ނޯ ސްޓޭޑިއަމްގައި ޔުނިސެފުން ކަލަންޑަރަކަށް ނެގި ފޮޓޯތަކެކެވެ.

މި ފޮޓޯތައް ނެގި ފޮޓޯގްރާފަރު ޖޯން މޮންފޯޓް ކިޔައިދިން ގޮތުގައި، އޭރު މެސީއަކީ ވަރަށް ލަދުގަންނަ، މަޑުމައިތިރި މިޒާޖެއްގެ ޒުވާނެކެވެ.

"މެސީއަށް އެ ކުޑަކުޑަ ތުއްތު ކުއްޖާއާ ދޭތެރޭ ކަންތައް ކުރާނެ ގޮތެއް އެންމެ ފުރަތަމަ ނޭނގުނު. އެކަމަކު އޭނާއަކީ އަބަދުވެސް ޕްރޮފެޝަނަލް މީހަކަށް ވުމުން، ވަރަށް އަވަހަށް އެ މާހައުލަށް ހޭނި، އެ ތާރީޚީ ފޮޓޯތައް ނެގުނު،" މޮންފޯޓް ބުންޏެވެ.

ޔަމަލްގެ އާއިލާއަށް މި ފުރުސަތު ލިބުނީ ކަޓަލާން ނޫހެއް ކަމަށްވާ 'ސްޕޯޓް' އާއި ޔުނިސެފް ގުޅިގެން ކުރިއަށް ގެންދިޔަ ގުރުއަތަކުންނެވެ. ޔަމަލްގެ މަންމަ ޝީލާޒ މި ފޮޓޯ ސެޝަންގައި ބައިވެރިވިއިރު، މިއީ ފަގީރު އާއިލާއެއް ނަމަވެސް ވަރަށް ހިތްހެޔޮ އާއިލާއެއްކަން ފޮޓޯގްރާފަރު ފާހަގަކުރިއެވެ. މި ފޮޓޯތަކުގެ ހަގީގަތް ގިނަ ބައެއްގެ ސަމާލުކަމަށް އައީ ޔޫރޯ 2024 ގެ ތެރޭގައި ޔަމަލްގެ ބައްޕަ މި ފޮޓޯތައް އިންސްޓަގްރާމްގައި ހިއްސާކުރުމާ ގުޅިގެންނެވެ.

އަދި މިފަހުން ފޮޓޯ މާ ބޮޑަށް ވައިގައި ހިފާފައިމިވަނީ ވޯލްޑްކަޕު ފައިނަލް މެޗުގައި ދެ ކުޅުންތެރިން ނުކުންނާތީއެވެ.

ޔުނިސެފުން އެކްސްގައި ކުރި ޕޯސްޓެއްގައި ބުނެފައިވަނީ، އެ ފޮޓޯ ތަކަކީ އަސްލު ފޮޓޯތަކެއް ކަމަށާ، މިއަދު މި ދެ ކުޅުންތެރިންނަކީވެސް ދަނޑުމަތީގައި އެތައް މިލިއަން ބަޔަކަށް ނަމޫނާ ދައްކަމުންދާ ދެ ތަރިން ކަމަށެވެ.

އަދި ދަނޑުން ބޭރުގައިވެސް މެސީ އާއި ޔަމަލް އަކީ ޔުނިސެފްގެ ގުޑްވިލް އެމްބަސެޑަރުންގެ ގޮތުގައި ދުނިޔޭގެ ކުޑަކުދިންގެ ހައްގުތަކަށް ވަކާލާތުކުރާ ދެ ފަރާތް ކަމަށް އެ ޖަމްއިއްޔާއިން ފާހަގަކުރިއެވެ.

ޔުނިސެފްގެ މައިގަނޑު އަމާޒަކީ ކޮންމެ ކުއްޖަކީވެސް ދުނިޔޭގައި ސަލާމަތުން ހުރެ، ބޮޑުވެ، އެކުދިންގެ ކިބައިގައިވާ ހުނަރުތައް ފުރިހަމައަށް ބޭނުންކުރެވޭނެ ފުރުސަތު އޮތް ކުއްޖަކަށް ހެދުމެވެ.

މިއަދު އުމުރުން 39 އަހަރުގެ މެސީ އާއި 19 އަހަރުގެ ޔަމަލް ފުޓްބޯޅައިގެ އެންމެ މަތީ ފަންތީގައި ވާދަކުރަމުންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟
19 Nov 2026 ކުޅިވަރު

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟

އާޖެންޓީނާގެ އެސިސްޓަންޓް ކޯޗު ވޯލްޓާ ސެމިއުލް، އަމިއްލަ ކޯޗިން ކެރިއަރެއް ފެށުމަށްޓަކައި މަގާމުން ވަކިވާން ނިންމުމާއެކު، އެ މަގާމަށް މެސީ އަތުވެދާނެތޯ ގިނަ ބަޔަކު ސުވާލު އުފެއްދިއެވެ. މިކަމާ ގުޅޭގޮތުން ނޫސްވެރިއަކު ކުރި ސުވާލަކަށް ޖަވާބު ދެމުން ސްކަލޯނީ ސަމާސާ ގޮތަކަށް ބުނީ، މެސީ ބޭނުންނަމަ އެ ފުރުސަތު އޭނާއަށް އަބަދުވެސް އޮންނާނެ ކަމަށެވެ