މ. މައިމަގުމަތީގޭގައި އަލިފާން ރޯވެ ސިފައިން ހަރަކާތްތެރިވަނީ

މ. މައިމަގުމަތީގޭ ސަރަޙައްދުގައި ހުރި ހުސް ބިމެއްގައި ހުރި ކުނިތަކެއްގައި އަލިފާން ރޯވެ، އެމްއެންޑީއެފް ފަޔަރ އެންޑް ރެސްކިއު ސާވިސް އިން ހަރަކާތްތެރިވާން ފަށައިފިއެވެ.

ފަޔަރ އެންޑް ރެސްކިއު ސާވިސް އިން މައުލޫމާތު ދޭ ގޮތުގައި، އަލިފާން ރޯވެފައި ވަނީ އެ ގޭގެ ހުސް ބިމެއްގައި ޖަމާކޮށްފައި ހުރި ކުނިތަކެއްގައެވެ. އަލިފާން ރޯވި ސަބަބު އަދި ސާފެއް ނުވެއެވެ.

އަލިފާން ނިއްވާލައި، އެ ސަރަޙައްދު ރައްކާތެރިކުރުމުގެ މަސައްކަތް ސިފައިން ދަނީ ކުރަމުންނެވެ.

އެ ސަރަހައްދުގެ ބައެއް މީހުން ވޮއިސްއަށް މައުލޫމާތުދިން ގޮތުގައި އެތަނަކީ މަސްތުވާތަކެތި ބޭނުންކުރުމަށް ބައެއްފަރާތްތަކުން ބޭނުންކުރާތަނެކެވެ.