ހައުސިންގް މިނިސްޓްރީ ތެރޭ ހަމަނުޖެހުން ހިންގަނީ

ރައީސް ޔާމީންގެ ސަރުކާރުން ހިންގަވާ ބޯހިޔާވަހިކަމުގެ މަޝްރޫއުކަމުގައިވާ ހިޔާ މަޝްރޫއުގެ ފްލެޓްތައް ލިބުނު ކަމުގެ ލިޔުންތައް މިއަދު ހައުސިންގް މިނިސްޓްރީގައި ދޫކުރަމުން ދަނިކޮށް ބޮޑެތި ހަމަނުޖެހުންތަކެއް ހިންގަން ފަށައިފިއެވެ.

ހައުސިންގް މިނިސްޓްރީގައި ހުރި ފަރާތަކުން ވޮއިސްއަށް މައުލޫމާތު ދިންގޮތުގައި ހަމަނުޖެހުން އުފެދިފައިވަނީ ފްލެޓްގެ ލިޔުންތައް ދޫކުރަމުން ދިޔުމުގައި ދިމާވި މައްސަލަތަކުގައި އާންމުން އުފުލި ކަންބޮޑުވުންތަކަށް، މިނިސްޓްރީން އެކަށީގެންވާ ޖަވާބެއް ނުދިނުމުންނެވެ.

https://www.facebook.com/1130466313/posts/10216773541307458/

މިކަމާއި ގުޅިގެން ހައުސިންގް މިނިސްޓްރީ ތެރޭގައި ހަރަކާތްތެރިވި ބައެއް ފަރާތްތަކުން ވަނީ މިނިސްޓްރީގެ މުވައްޒަފުން ތިބި ސަރަހައްދަކަށް ގަދަކަމުން ވަންނަން އުޅެފައެވެ. މި ހަމަނުޖެހުމުގެ ތެރޭގައި މިނިސްޓްރީގެ ދޮރެއްގެ ބިއްލޫރިގަނޑު ތަޅާލައި، އެތަނުގައި ތިބި ބައެއް މުވައްޒަފުންނަށް ކުދި ހާނިއްކަތަކެއް ވެފައިވާކަމަށް އެތާ ހުރި މީހަކު ވޮއިސްއަށް މައުލޫމާތު ދިނެވެ.

ހައުސިންގް މިނިސްްޓްރީ ތެރޭގައި މިހާބޮޑަށް ހަމަނުޖެހުން އުފެދިފައިވާއިރު، އެ ސަރަހައްދުގައި ފުލުހުން ހަރަކާތްތެރިވާކަމުގެ މައުލޫމާތެއް ލިބިފައެއް ނުވެއެވެ.

މީގެ ކުރިންވެސް ފްލެޓާއި ގޯތީގެ ކަންކަމުގައި މިނިސްޓްރީ ތެރޭގައި ވަނީ މިފަދަ ކަންކަމާއި ކުރިމަތިވެފައެވެ.