މެސީ؛ ފޮޓޯ / ހޯލާ
މެސީ؛ ފޮޓޯ / ހޯލާ
ކުޅިވަރު 16 Sep 2026 | 19:40

މެސީ އާޖެންޓީނާއަށް ކުޅޭނެ އެންމެ ފަހު މެޗު އަންނަ މަހު 6 ގައި

ޤައުމީ ޓީމުން ރިޓަޔާކުރިކަން އިޢުލާނުކޮށްފައިވާ ލިއޮނަލް މެސީއަށް ވަދާޢީ މެޗެއް ކުޅެދިނުމުގެ ގޮތުން ކުރިއަށް އޮތް އިންޓަނޭޝަނަލް ބްރޭކުގެ ސްކޮޑުގައި އޭނާ ހިމެނުމަށް އާޖެންޓީނާ ފުޓްބޯޅަ ފެޑެރޭޝަނުން ނިންމައިފިއެވެ.

އުމުރުން 39 އަހަރުގެ މެސީ ޤައުމީ ޓީމުން ރިޓަޔަކުރަން ނިންމިކަން އިއުލާނުކޮށްފައިވަނީ ގާތްގަނޑަކަށް 20 އަހަރު ވަންދެން ޤައުމު ތަމްސީލުކުރުމަށް ފަހުގައެވެ. އާޖެންޓީނާ އެފްއޭ އިން ބުނީ އޮކްޓޫބަރު ހަ ވަނަ ދުވަހު ބެނިންއާ ދެކޮޅަށް ކުޅޭ މެޗުގައި މެސީއަށް ޙައްޤުވާ ފެއާވެލް ދިނުމަށް ނިންމާފައިވާ ކަމަށެވެ. 85000 ސަޕޯޓަރުންނަށް ޖާގަ ލިބޭ އެސްޓަޑިއޯ މޮނިއުމެންޓަލްގައި ކުޅޭ އެ މެޗުގެ ޓިކެޓު ވިއްކަން ވަރަށް އަވަހަށް ފަށާނެ ކަމަށް ވެސް އެ ފެޑެރޭޝަނުން ބުނެފައިވެއެވެ.

އާޖެންޓީނާގެ ޤައުމީޓީމަށް މެސީ ކުޅުން ހުއްޓާލިކަން އިއުލާނުކޮށްފައިވަނީ އޭނާގެ ބައްޕަ މަރުވިފަހުންނެވެ.

މެސީ ވަނީ ހަ ވޯލްޑް ކަޕެއްގައި އާޖެންޓީނަ ޓީމަށް ކުޅެފައެވެ. އޭގެ ތެރެއިން 2022 ވަނަ އަހަރު ވަރލްޑްކަޕް ކާމިޔާބުކުރިއިރު، މެސީ ވަނީ މިދިޔަ އަހަރުތަކުގައި އާޖެންޓީނާ ވަރލްޑްކަޕަށް ކޮލިފައިކޮށްދިނުމުގައިވެސް މުހިންމު ދައުރެއް އަދާކޮށްފައެވެ.

އަށް ފަހަރު ބެލޮންޑިއޯ ހޯދާފައިވާ މެސީ ވަނީ ޤައުމީ ޓީމަށް ޖުމްލަ 207 މެޗު ކުޅެ 125 ގޯލު ޖަހައި އެންމެ ގިނަ މެޗު ކުޅެދީ އަދި އެންމެ ގިނަ ގޯލު ޖެހި ކުޅުންތެރިޔާގެ ރެކޯޑު ހަދައިފައެވެ. .

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟
19 Nov 2026 ކުޅިވަރު

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟

އާޖެންޓީނާގެ އެސިސްޓަންޓް ކޯޗު ވޯލްޓާ ސެމިއުލް، އަމިއްލަ ކޯޗިން ކެރިއަރެއް ފެށުމަށްޓަކައި މަގާމުން ވަކިވާން ނިންމުމާއެކު، އެ މަގާމަށް މެސީ އަތުވެދާނެތޯ ގިނަ ބަޔަކު ސުވާލު އުފެއްދިއެވެ. މިކަމާ ގުޅޭގޮތުން ނޫސްވެރިއަކު ކުރި ސުވާލަކަށް ޖަވާބު ދެމުން ސްކަލޯނީ ސަމާސާ ގޮތަކަށް ބުނީ، މެސީ ބޭނުންނަމަ އެ ފުރުސަތު އޭނާއަށް އަބަދުވެސް އޮންނާނެ ކަމަށެވެ