ރޯޑް ރޭހުގެ 10 ކިލޯމީޓަރު ދުވުމުގެ އެއްވަނަ ފަޒީލް އާއި މަރީއަށް

އިއްޔެ ބޭއްވުނު ރާއްޖޭގެ އެންމެ ބޮޑު ޗެރިޓީ ރަން ކަމަށްވާ ދިރާގު ރޯޑް ރޭހުގެ އެންމެ ބޮޑު ކެޓަގަރީ ކަމަށްވާ 10 ކިލޯމީޓަރުގެ ދުވުމުން އެއްވަނަ، ހުސައިން ފަޒީލް އާއި މަރިޔަމް އަބްދުލް ކަރީމް (މަރީ) ހޯދައިފިއެވެ.

ދިރރާގުންވަނީ މިއަހަރުގެ 10 ކިލޯމީޓަރުގެ ދުވުމުން އެއްވަނައަށް ހޮވޭ ފަރާތްތަކަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވާފައެވެ.

އަދި މިރާހުގެ 10 ކިލޯމީޓަރުގެ ދުވުމުން ދެވަނަ ހޯއްދަވާފައިވާ ހުސައިން ރިޒާ އާއި ޕެޓްރީޝިއާ ލޮރޭޒް ގޮމޭޒް އަށް ވަނީ 8،000 ރުފިޔާ ފައިސާގެ އިނާމެއް ކަނޑައަޅާފައެވެ.

ހަމައެހެންމެ ތިންވަނައަށް ހޯދާފައިވަނީ އަހުމަދު ރިޒާ އާއި ފާތުމަތު ނިއުޝާއަށް ވަނީ 6،000 ރުފިޔާގެ އިނާމެއް ކަނޑައަޅާފައެވެ.

ގިނަ ދިވެހިންގެ ސަޕޯޓްލިބޭ ދިރާގު ރޯޑް ރޭހުގެ އެންމެ ގިނަ ބަޔަކު ބައިވެރިވަނީ ފަސް ކިލޯމީޓަރު ނުވަތަ 5ކޭ ކެޓަގަރީއިންނެވެ.

އެ ކެޓަގަރީ ވަނީ އޯޕެން ފިރިހެން އަދި އަންހެން އާއި 45 އަހަރުން މަތީގެ އަންހެން އަދި ފިރިހެން އާއި 13 އަހަރުން ދަށުގެ އަންހެން އަދި ފިރިހެން އާއި 13 އަހަރުން މަތީ އަންހެން އަދި ފިރިހެން، މިއަށް ބަޔަކަށް ބަހާލާފައެވެ.

އޯޕެން ކެޓަަރީއިން އެއްވަނައަށް ހޯދާފައިވަނީ ހަމްދު ރަޝީދާއި ވަފިއްޔާ އަހުމަދަށް ވަނީ 6،000 ރުފިޔާގެ އިނާމެއް ކަނޑައަޅާފައެވެ.

އުމުރުން 45 އަހަރުން މަތީ ކެޓަގަރީއިން އެއްވަނައަށް ހޮވޭ ފަރާތްތަކަށްވެސް ވަނީ 6،000 ރުފިޔާގެ އިނާމެއް ކަނޑައަޅާފައެވެ. އުމުރުން 13 އަހަރުން ދަށުގެ ކެޓަގަރީ އާއި 13 އަހަރުން މަތީގެ ކެޓަގަރީއިން އެއްވަނަ ލިބޭ ކުދީންނަށް ކަނޑަޅާފައިވަނީ ވައުޗާއަކާއި މެޑަލް އަދި ޓްރޮފީއެވެ.