ބައްޕަ މަރުވުމާ ގުޅިގެން މެސީގެ އަސަރުގަދަ ޕޯސްޓެއް

އާޖެންޓީނާގެ ޤައުމީ ފުޓްބޯޅަ ޓީމްގެ ކެޕްޓަން ލިއޮނެލް މެސީއަކީ ދުނިޔެދުށް އެންމެ މޮޅު އެއް ކުޅުންތެރިޔާއެވެ. މެސީގެ ފުޓްބޯޅަ ހަޔާތަށް ބަލާއިރު އޭނާގެ ބައްޕަ ޖޯޖް މެސީއަކީ، މެސީ މެސީއަކަށް ވުމުގެ އަސްލެވެ. ފުޓްބޯޅަ ކެރިއަރުގެ ފެށުމާ ހަމައިން ނިމިގެންދިޔަ ވަރލްޑްކަޕް ފެށުމާ ހަމަޔަށް މެސީ ކުޅުނު ހުރިހާ މެޗަކަށް ހާޒިރުވިއެވެ. ބައްޕަ މަރުވުމާ ގުޅިގެން މެސީ މިއަަދު ވަނީ ސޯޝަލް މީޑިއާއަށް ވަރަށް އަސަރުގަދަ މެސެޖެއް ދޫކޮށްލާފައެވެ.

މެސީގެ ޕޯސްޓްގައި ވަރަށް އަސަރާއެކު ބުނެފައިވަނީ ބައްޕައާ ވަކިވީ މާ އަވަހަށް ކަމަށާއި އެކުގައި ހޭދަކުރާނެ ކިތަންމެ ވަގުތެއް ބާކީ އޮތް ކަމަށެވެ. ބައްޕަ އުޅުއްވި ބަލިހާލުން ސަލާމަތްވެ ވޭންތަކުން ވަރަށް އަވަހަށް ދުރުވާނޭކަމަށް ގަބޫލުކުރި ނަމަވެސް ދެން ދުވަހަކުވެސް ބައްޕަ ނުފެންނާނެ ކަން ޤަބޫލުކުރުމަކީ ދަތި ކަމެއް ކަމުގައި އޭނާ ބުނެފައިވެއެވެ.

މެސީ ބުނީ އެއީ ހަމައެކަނި ބައްޕައެއް ނޫންކަމަށެވެ

އެއީ އަހަރެންގެ އެންމެ ގާތް އެކުވެރިޔާއެވެ. އަދި އަހަރެންގެ ހުރިހާ ކަމެއް ބަލަހައްޓައިދިން ފަރާތް. ކުޑައިރުއްސުރެ ވަޒީފާ ނިންމާފައި ގެއަށް އައިސް ފަރިތަކުރުންތަކަށް ގެންގޮސްދީ ކުޅުނު އެންމެ މެޗެއް ވެސް ދޫނުކޮށް ބައްޕަ ބެލި

މެސީގެ ޕޯސްޓްގައި ބުންޏެވެ.

އެންމެ ފަހުގެ ވޯލްޑް ކަޕް ފެށެން ކައިރިވެފައި ވަނިކޮށް ބައްޕަގެ ބަލިހާލު ބޮޑުވީ ކަމަށާއި މުބާރާތެއްގެ ތެރޭގައި ބައްޕަ ގާތުގައި ނެތް ފުރަތަމަ ފަހަރު އެއީ ކަމަށް މެސީ ފާހަގަކޮށްފައިވެއެވެ. ފައިނަލާ ހަމައަށް ޓީމު ގެންގޮސް ބައްޕައަށް މެޗު ބަލަން އާދެވޭނެ ކަމަށް އޭނާ ބައްޕަ ގާތު ބުނި ނަމަވެސް އެ އުފަލުގައި ބައްޕައަށް ބައިވެރިވެވޭ ގޮތް ނުވި ކަމަށް ބުނެފައިވެއެވެ.

މެސީ ބުނީ އޭނާއަށް ކުރަން އެނގޭހާވެސް ކަމަކީ ފުޓްބޯޅަ ކުޅުން ކަމަށާއި، ބައްޕައާ ނުލައި ދިރިއުޅުމުގައި ކުރިއަށް ދާނެ ގޮތެއް ނޭނގޭ ކަމަށެވެ. އެގޮތުން ފުޓްބޯޅައިގައި ދެން ގިނަ ދުވަހު ދެމިހުރެވޭނެ ކަމާ މެދު ޝައްކު އުފެދޭ ކަމަށް މެސީ ވަނީ ބުނެފައެވެ.

މެސީގެ ޕޯސްޓް ނިންމާލަމުން ބުނެފައިވަނީ ބައްޕަ މަތިން ވަރަށް ހަނދާންވާނެ ކަމަށާއި، އަބަދުވެސް ހިތުގައި ވާނޭކަމަށެވެ. ހާއްސަކޮށް ދަރިން ތަރުބިއްޔަތު ކުރުމުގައި ބައްޕަގެ ހިޔާލާއި ފިލާވަޅުތައް އަބަދުވެސް ބޭނުންކުރާނޭކަމަށް މެސީގެ ޕޯސްޓްގައި ބުންޏެވެ.