ނިއުކާސަލް އާއި ލިވަޕޫލް ބައްދަލުކުރި މެޗް އެއްވަރުވިއިރު، މެންޗެސްޓަރ ސިޓީއަށް މޮޅެއް

އިނގިރޭސި ޕްރިމިއާ ލީގްގައި ރޭ ލިވަޕޫލާއި ނިއުކާސަލް ޔުނައިޓެޓް ބައްދަލުކުރިމެޗް އެއްވަރުވިއިރު މެންޗެސްޓަރ ސިޓީ ކުޅުނުމެޗް އެޓީމުން ކާމިޔާބުކޮށްފިއެވެ.

ނިއުކާސަލްގެ ސެއިންޓް ޖޭމްސް ޕާކްގައި ނިއުކާސަލް އާއި ލިވަޕޫލް ކުޅުނު މިމެޗް ނިމުނީ 2-2 ގެ ނަތީޖާއިންނެވެ. މެޗްގައި އެންމެ ފުރަތަމަ ލަނޑެއް ޖަހައި ކުރިހޯދީ ނިއުކާސަލް އެވެ. އެއީ މެޗް ފަށައިގެން ފަސްވަނަ މިނެޓް ތެރޭގައި އެލަންގާއެވެ. މެޗްގެ ފުރަތަމަ ހާފް ނިއުކާސަލް ކުރީގައި އޮވެގެން ނިމުނުއިރު، ލިވަޕޫލުން މެޗް އެއްވަރުކޮށްފައިވަނީ ދެވަނަ ހާފްގެ ތެރޭގައެވެ.

ނިއުކާސަލުން ލަނޑެއް ޖަހައި ލީޑް ނަގާފައިވަނިކޮށް ލިވަޕޫލަށް އެއްވަރުކޮށްދިނީ 55 ވަނަ މިނެޓް ތެރޭގައި ގަކްޕޯއެވެ. ލިވަޕޫލުން އެއްވަރުކުރިތާ ދެމިނެޓް ނުވަނީސް ނިއުކާސަލްގެ ވިލޮކް ވަނީ ލަނޑެއް ޖަހައި ދެވަނަ ފަހަރަށް އެޓީމަށް ލީޑް ނަގައިދީފައެވެ. މެޗުން ބަލިނުވެ ލިވަޕޫލް ސަލާމަތްކޮށްދިނީ އިތުރުވަގުތުގެ ކުޅުމުގެ ތެރޭގައި ލިބުނު ޕެނަލްޓީއަކުން ސްބޮޒްލާއީ އެވެ.

މެޗަށްފަހު ވާހަކަދައްކަމުން ލިވަޕޫލްގެ ކޯޗް އިރައޯލާ ބުނީ، އޭނާގެ ޓީމަކީ މެޗުން ބަލިވާންޖެހޭނެ ޓީމެއް ނޫން ކަމަށާއި، ހިތްވަރު އެލުވާނުލައި ކުރި މަސައްކަތުން 2-2 އިން މެޗު އެއްވަރުކުރުމަކީ ލިބުނު ކާމިޔާބީއެއް ކަމަށެވެ.

އިނގިރޭސި ޕްރިމިއާ ލީގްގައި ރޭ މެންޗެސްޓަރ ސިޓީ އާއި ބޯންމައުތު ބައްދަލުކުރިމެޗް ހަނިގޮތަކަށް ކާމިޔާބުކުރީ ސިޓީއެވެ. މި މެޗް ސިޓީ ކާމިޔާބުކޮށްފައިވަނީ ފަހަތުން އަރައެވެ. ފުރަތަމަ ހާފް ނިމުނުއިރު ބޯންމައުތުން ލީޑް ނެގިނަމަވެސް ފަހު ހާފް ސިޓީން ވަނީ ދެ ލަނޑުޖަހައި ތިން ޕޮއިންޓް ކަށަވަރުކޮށްފައެވެ.