ޕާކިސްތާނުގައި ހިނގަނީ ޖަންލީގެ ގާނޫނު: އިމްރާން ޚާން

ޕާކިސްތާނުގައި މިހާރު ހިނގަމުންދަނީ ޖަންގަލީގެ ޤާނޫނުކަމަށް ޖަލު ބަންދުގައި ހުންނެވި ޕާކިސްތާނުގެ ކުރީގެ ބޮޑުވަޒީރު ޢިމްރާން ޚާން ފާޑު ވިދާޅުވެއްޖެއެވެ.

ޢިމްރާން ޕާކިސްތާނު ސަރުކާރާށް ފާޑު މިވިދާޅުވީ ދާދިފަހުން އިންޑިއާ އާއި ޕާކިސްތާނާ ދެމެދު ހިނގި ކުރިމަތިލުންތަކަށްފަހު ޕާކިސްތާނުގެ އަސްކަރިއްޔާގެ ވެރިޔާ ޖެނެރަލް އާސިމް މުނީރު ފީލްޑް މާޝަލް ރޭންކަށް ޕްރޮމޯޓްކުރުމާއި ގުޅިގެންނެވެ. ޢިމްރާން ވިދާޅުވީ ފީލްޑް މާޝަލްގެ ބަދަލުގައި ރަސްކަލެއްގެ ރޭންކަށް ޖެނެރަލް މުނީރު ޕްރޮމޯޓްކުރުން މާ އެކަށިގެންވާ ކަމަށެވެ. ޖެނެރަލް މުނީރަކީ އަސްކަރިއްޔާގެ ނުފޫޒު ވެރިކަމުގެ ބާރުތެރޭގައި ގަދަވެފައިވާ ޕާކިސްތާނުގެ ތާރީޚުގައިވެސް މި ފީލްޑް މާޝަލްގެ ރޭންކަށް ޕްރޮމޯޓްކުރެވުނު ދެވަނަ އޮފިސަރެވެ.

އިމްރާން ޚާން ވިދާޅުވީ ޖަންގަލީގައި ހިނގާނީ އެންމެ ރަސްކަލެއްގެ ވެރިކަން ކަމަށާއި، ޕާކިސްތާނުގައި މިހާރު ހިނގަނީ ޖަންގަލީގެ ގާނޫނުކަމަށްވުމުން، ޖެނެރަލް މުނީރަށް ހައްޤުވަނީ ރަސްކަންކަމަށެވެ. ޖެއްސުމުގެ ރާގެއްގައި އިމްރާންޚާން އިޝާރާތް ކުރެއްވީ ޕާކިސްތާނުގެ ސަރުކާރުގެ ތެރޭގައި އަސްކަރިއްޔާގެ ނުފޫޒު ގަދަވެފައިވާ މިންވަރަށް ކަމަށް ބެލެވެއެވެ.

2023 ވަނަ އަހަރުގެ އޮގަސްޓް މަހުން ފެށިގެން އެކިއެކި ތުހުމަތުތަކުގައި އިމްރާން ޚާން ހުންނަވަނީ ޖަލުގައެވެ.