ޕާކިސްތާނުގެ ފުލުހުންގެ ޗެކްޕޮއިންޓަކަށް ދިން ޖާނުންފިދާގެ ހަމަލާގައި 11 މީހަކު މަރުވެއްޖެ
ލިޔުންތެރިޔާ
އަޙްމަދު އާހިލް ސަޢީދު
ޕާކިސްތާނުގެ ފުލުހުންގެ ޗެކްޕޮއިންޓަކަށް ދިން ޖާނުންފިދާގެ ހަމަލާގައި 11 މީހަކު މަރުވެއްޖެއެވެ.
މި ހަމަލާ ދީފައިވަނީ ހޮނިހިރު ދުވަހު ޕާކިސްތާނުގެ ހުޅަނގު އުތުރުގައި އޮންނަ ޚައިބަރު ޕަޚްތޫންޚްވާ ޕްރޮވިންސްގެ ޑެރާ އިސްމާއީލް ޚާން ޑިސްޓްރިކްޓުގައި ހުރި މަގުމަތީ ފުލުހުންގެ ޗެކްޕޮއިންޓަކަށެވެ. މި ހަމަލާގައި 11 މީހަކު މަރުވެ 30 މީހަކު ޒަޚަމްވެފައިވާ ކަމަށް ޕާކިސްތާނު ފުލުހުން މައުލޫމާތުދެއެވެ. އެ ހަމަލާގައި މަރުވި މީހުންގެ ތެރޭގައި ސެކިއުރިޓީ ފޯސަސްގެ ހަތް މީހަކު ހިމެނޭ ކަމަށާއި ޒަޚަމްވި މީހުންގެ ތެރޭގައި ސެކިއުރިޓީ ބާރުތަކުގެ 20 މީހަކު ހިމެނޭ ކަމަށް ފުލުހުންނާ ހަވާލާދީ އަލް ޖަޒީރާއިން ރިޕޯޓުކޮށްފައިވެއެވެ.
މި ހަމަލާގެ ޒިންމާ ނަގާފައިވަނީ ތެހެރީކޭ ތާލިބާން ޕާކިސްތާން (ޓީޓީޕީ) ގެ ނަމުން މަޝްހޫރު ޕާކިސްތާނު ތާލިބާނުންނެވެ. އެ ޖަމާޢަތުން ވަނީ ބަޔާނެއް މެދުވެރިކޮށް ހަމަލާގެ ޒިންމާ ނަގައިފައެވެ.
ޕާކިސްތާނުގެ ހުޅަނގު އުތުރު ސަރަޙައްދުތަކަކީ ޓީޓީޕީގެ ހަމަލާތައް ތަކުރާރުކޮށް އަމާޒުވާ ސަރަޙައްދެކެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
