އަބަދު ބަނޑުހައިވާތީތަ ތިއުޅެނީ؟ މިއޮތީ ތިކަމުގެ ހައްލު!

މެދުނުކެނޑި ބަނޑުހައިކަން އިހުސާސްވުމަކީ ވަރަށް މާޔޫސްކުރުވާ ކަމެއް ކަމުގައި ވެދާނެއެވެ. އަދި އެއީ ސިއްހަތާ ގުޅޭ އެކި މައްސަލަތައް ކުރިމަތިވުމަށް މެދުވެރިވާ ސަބަބަކަށްވެސް ވެދާނެއެވެ. އެހެން ކަމުން އެ މައްސަލަ ހައްލު ކުރުމަށް ކުރެވިދާނެ ބައެއް ކަންކަން ތިރީގައި މިވަނީއެވެ.

1. ތިމާގެ ޑައިޓް އިވެލުއޭޓްކުރުން

ބެލެންސްޑް މީލްސް: ޕްރޮޓީންސް، ހެލްތީ ފެޓްސް، އަދި ކޮމްޕްލެކްސް ކާބޯހައިޑްރޭޓްސް ގެ ރަނގަޅު މިކްސް އެއް އެކުލެވޭ ކެއުންތައް ހިމެނޭ މިންހެޔޮ ކެއުން ކެވޭކަން ޔަގީން ކުރަންވާނެއެވެ. ޕްރޮޓީން އާއި ފެޓްސްއިން ގިނަ ވަގުތު ބަނޑުހައިނުވެ ހުރުމަށް އެހީވެދެއެވެ.

ފައިބަރ އިންޓޭކް: ފައިބަރު ގިނަ ކާނާ ކަމަށްވާ މޭވާ، ތަރުކާރީ، ހޯލް ގްރެއިންސް، އަދި ލެގިއުމްސް ކެއުން އިތުރުކުރުމަކީވެސް އަބަދަ ކާހިތްވާ މައްސަލަ ހައްލުކުރުމަށް ކުރެވޭނެ ކަމެކެވެ.

ހައިޑްރޭޝަން: ބައެއް ފަހަރު، ކަރުހިއްކުމާ ބަނޑުހައިހޫނުކަމާ އޮޅިދާނެއެވެ. އެހެންކަމުން މުޅި ދުވަހު ގިނައިން ފެން ބުއިމަކީވެސް ކާހިތްވުމުގެ ހައްލަކަށް ވެދާނެއެވެ.

2. ގަވާއިދުން ކެއުމުގެ ޝެޑިއުލް

އެއްވަގުތު ތަކެއްގައި ކެއުން: ދުވާލަކު މައިގަނޑު ތިން ކެއުމާއި ދެ އިރަކު ވަރަށް ލުއި އެއްޗެއް ވަކި ވަގުތު ތަކަކު، ގަވާއިދުން ކެއުމަށް މަސައްކަތް ކުރާށެވެ. މިއީ ބަނޑުހައިހޫނުކަން ރެގިއުލޭޓްކޮށް، މާގިނައިން ކެއުމުން ރައްކާތެރިވުމަށް އެހީތެރިވެދޭނެ ކަމެކެވެ.

ކެއުން ދޫކޮށްލުމުން ދުރުހެލިވުން: ކެއުން ދޫކޮށްލުމަކީ ފަހުން އިންތިހާއަށް ބަނޑުހައިހޫނުކަން ކުރިމަތިވެ، މާގިނައިން ކެއުމަށް މަގުފަހިވާ ކަމެކެވެ. ދުވަސް ފެށުމަށްޓަކައި ނިއުޓްރިޝަނަލް ނާސްތާއެއް ކެއުން ޔަގީން ކުރަން ޖެހެ އެވެ.

3. މައިންޑްފުލް އީޓިންގ

ލަސްލަހުން ކެއުން: ކެއުމަށް ވަގުތު ހޭދަކޮށް ކާއެއްޗެހި ރަނގަޅަށް ހަފައިގެން ލަސްލަހުން ކާށެވެ. މިއީ މާގިނައިން ކެއުމުން ރައްކާތެރިވުމަށް މަގުފަހިކޮށްދޭ ކަމެކެވެ.

ޑިސްޓްރެކްޝަންސް އިން ދުރުހެލިވުން: ޓީވީ ނުވަތަ ސްމާޓްފޯން ފަދަ ޑިސްޓްރެކްޝަންސް އެއް ނެތި ކެއުމަށް ފޯކަސް ކުރާށެވެ. ކާ އެއްޗަށް ސަމާލުކަން ދިނުމަކީ ކެއުމަށް ހޭދަވާ ވަގުތު ދެނެގަނެ އެ ރެގިއުލޭޓް ކުރުމަށް އެހީތެރިވެދޭނެ ކަމެކެވެ.

4. ދިރިއުޅުމުގެ ވައްޓަފާޅި

ނިދި: އެކަށީގެންވާ މިންވަރަށް ނިދި ލިބެމުންދާކަން ޔަގީންކުރުކުރުމަކީވެސް ކެއުމާއި ގުޅުން ހުރި ކަމެކެވެ. ނިދި މަދުވުމަކީ ބަނޑުހައިހޫނުކަން އިތުރުވެ، ކާހިތްވުން އިތުރުވާ ކަމެކެވެ.

ސްޓްރެސް މެނޭޖްމަންޓް: ސްޓްރެސްގެ މިންވަރު މަތިވުމަކީ ކެއުމަށް މަގުފަހިވާ ކަމެކެވެ. ނަމާދުކުރުން، ކަސްރަތު ނުވަތަ ލޯބިވާ މީހުންނާއެކު ވަގުތު ހޭދަކުރުން ފަދަ ސްޓްރެސް ކުޑަކުރާ ކަންތައްތައް ޕްރެކްޓިސް ކުރާށެވެ.

ޖިސްމާނީ ހަރަކާތްތެރިކަން: ގަވާއިދުން ކަސްރަތު ކުރުމަކީ ކާހިތްވުން ރެގިއުލޭޓްކޮށް ޖުމްލަ ސިއްހަތު ރަނގަޅު ކުރުމަށް އެހީތެރިވެދޭ ކަމެކެވެ.

މި ބަދަލުތައް ގެނައި ނަމަވެސް މާބޮޑަށް ބަނޑުހައިހޫނުކަން އިހުސާސް ކުރެވެމުންދާނަމަ، އޭގެ އަސްލު ސިއްހީ ހާލަތެއް ނައްތާލުމަށް ސިއްހީ ދާއިރާގެ ޕްރޮފެޝަނަލަކާ މަޝްވަރާ ކުރުމަކީ ރަނގަޅު ގޮތެކެވެ.