ކުއްޖަކު އައިސްކްރީމް ކަނީ
ކުއްޖަކު އައިސްކްރީމް ކަނީ
ލައިފްސްޓައިލް 07 Oct 2026 | 10:09

އަރިދަފުސް ރޯގާ ޖެހިފައި ހުންނައިރު އައިސްކްރީމް ކެވިދާނެތަ؟

އަރިދަފުސް ރޯގާ ޖެހުމުން އެންމެ އާންމުކޮށް އިވޭ އެއް ނަސޭހަތަކީ ފިނި އެއްޗެހި ނުބުއިމަށާއި، ހާއްސަކޮށް އައިސްކްރީމް ފަދަ ތަކެތި ނުކެއުމަށެވެ. ގިނަ ބަޔަކު ގަބޫލުކުރާ ގޮތުގައި ފިނި އެއްޗެހި ކެއުމަކީ ރޯގާ އިތުރަށް ގޯސްވެ، އަރިދަފުސް އުފެދުން އިތުރުކޮށްދީ، ވައިރަސް ފެތުރުން އަވަސްކޮށްދޭ ކަމެކެވެ. ނަމަވެސް މި ވާހަކަތަކުގައި ސައިންޓިފިކް ނުވަތަ ސިއްހީ އެއްވެސް ހަގީގަތެއް އެބައޮތް ހެއްޔެވެ؟

އެސްޓަރ ވައިޓްފީލްޑް ހޮސްޕިޓަލްސްގެ އިންޓަރނަލް މެޑިސިންގެ ސީނިއަރ ކޮންސަލްޓެންޓް ޑރ. ބަސަވަރާޖް އެސް ކުމްބާރް ވިދާޅުވާ ގޮތުގައި، އަރިދަފުސް ރޯގާ ޖެހުމަކީ އައިސްކްރީމް ނުވަތަ ފިނި ބުއިންތައް ބޭނުންކުރުން އެއްކޮށް ހުއްޓާލަންޖެހޭ ސަބަބެއް ނޫނެވެ.

އާންމު ރޯގާއަކީ ވައިރަލް އިންފެކްޝަނެކެވެ. އައިސްކްރީމް ކެއުމަކީ ހަށިގަނޑުގައި ވައިރަސް ގިނަވާ ނުވަތަ އިންފެކްޝަން ގޯސްވާ ކަމެއް ނޫނެވެ. ކޮންމެ މީހެއްގެ ހަށިގަނޑު ވެސް ފިނި ކާނާއަށް އިޖާބަދޭ ގޮތް ތަފާތެވެ. ބައެއް މީހުންނަށް ފިނި އެއްޗެހި ކެއުމުން ކަރުތެރޭގެ ރިހުމަށް ވަގުތީ ލުޔެއް ލިބުނު ނަމަވެސް، އަނެއްބައި މީހުންނަށް ކަރު ހިރުވުމާއި، ކެއްސުން އަދި ނޭވާލާން އުނދަގޫވުން ފަދަ ކަންކަން ކުރިމަތިވެދާނެއެވެ. އެހެންކަމުން ރޯގާ ޖެހިފައި ހުންނައިރު ކާނާ އިހްތިޔާރުކުރުމުގައި އަމިއްލަ ހަށިގަނޑަށް އެކަމުން ކުރާ އަސަރަށް ބެލުން މުހިންމެވެ.

ރޯގާ ޖެހިފައި ހުންނައިރު އައިސްކްރީމް ކެވިދާނެތަ؟

ކިރުގެ ބާވަތްތައް ހަޖަމުކުރުމުގައި މައްސަލައެއް ނެތް ނަމަ، މެދުމިންވަރަކަށް އައިސްކްރީމް ކެއުމަކީ މައްސަލައެއް ނޫނެވެ. ޑރ. ކުމްބާރް ފާހަގަކުރައްވާ ގޮތުގައި ހަމައެކަނި ރޯގާ ޖެހިފައި ހުރުމަކުން ފިނި އެއްޗެހި އެއްކޮށް ދޫކޮށްލާކަށް ނުޖެހެއެވެ. ފިނި އެއްޗެއް ބޭނުންކުރުމަކުން ރޯގާ އިތުރަށް ގޯހެއް ނުވާނެއެވެ. ނަމަވެސް، އައިސްކްރީމް ކެއުމުން ކަރުތެރެއަށް އުނދަގޫވާނަމަ ނުވަތަ ކެއްސުން އިތުރުވާނަމަ، ރަނގަޅުވަންދެން އެފަދަ ތަކެއްޗާ ދުރުހެލިވުން ބުއްދިވެރިއެވެ.

އައިސްކްރީމް ކެއުމުން އަރިދަފުސް ގިނަވޭތަ؟

ކިރާއި ކިރު އެކުލެވޭ ބާވަތްތަކުން އަރިދަފުސް އިތުރުވާ ކަމަށް ގިނަ ބަޔަކު ދެކޭ ދެކުމަކީ ސައިންޓިފިކް އަސާސެއް އޮތް ވާހަކައެއް ނޫނެވެ. ކިރުގެ ބާވަތްތައް ބޭނުންކުރުމަށްފަހު ކަރުތެރޭގައި ތަތްކަމެއް ނުވަތަ ބޯ ފަށަލައެއް ލެވިފައިވާ ކަހަލަ އިހުސާސެއް ވަގުތީގޮތުން ކުރެވިދާނެއެވެ. މިއީ އަރިދަފުސް ގިނަވުން ކަމަށް ހީވި ނަމަވެސް، ހަގީގަތުގައި މިއީ ހަށިގަނޑުން އިތުރަށް އަރިދަފުސް އުފައްދަނީއެއް ނޫނެވެ.

ތަފާތު މީހުންނަށް ފިނި ކާނާގެ އިހުސާސް ތަފާތުވުން

ރޯގާ ޖެހިފައި ހުންނައިރު އައިސްކްރީމް ކެއުމުން އެންމެންނަށް އެއްގޮތަކަށް އަސަރެއް ނުކުރާނެއެވެ. ބައެއް މީހުންނަށް ކަރުގައި ރިއްސާއިރު ފިނި އެއްޗެހި ކެއުމުން ކަރުގެ ރިހުމަށް ވަގުތީ ލުޔެއް ލިބެއެވެ. އެހެންނަމަވެސް، އަނެއްބައި މީހުންނަށް މިކަމުގެ ސަބަބުން ކަރުގެ ރިހުމާއި ކެއްސުން އަދި ނޭވާލާން އުނދަގޫވުމުގެ މައްސަލަ އިތުރުވެދާނެއެވެ. އެފަދަ ހާލަތެއްގައި ފިނި އެއްޗެހި ބޭނުންކުރުމަކީ ރަނގަޅު ގޮތެއް ނޫނެވެ.

ރޯގާ ޖެހުމުން ސަމާލުކަން ދޭންވީ ކޮން ކަންކަމަކަށް؟

އައިސްކްރީމް ނުކައި ހުރުމަށްވުރެ ބޮޑަށް، ބަލިން އަވަހަށް ރަނގަޅުވުމަށްޓަކައި ހަށިގަނޑަށް ބޭނުންވާ މިންވަރަށް ދިޔާތަކެއްޗާއި ނިއުޓްރިއެންޓްސް ލިބިދިނުން މުހިންމެވެ. ހާއްސަކޮށް ހުން އަންނަނަމަ، ހަށިގަނޑުން ފެން މަދުވިޔަ ނުދިނުމަށް ފެނާއި، ސޫޕް އަދި ބްރޮތް ފަދަ ހޫނު ދިޔާތަކެތި ބޭނުންކުރުމަކީ ކަރުގެ އުނދަގޫތަކަށް ލުއި ލިބިގެންދާނެ ކަމެކެވެ. މީގެ އިތުރުން ހަށިގަނޑަށް ފުރިހަމަ އަރާމާއި، ފައިދާހުރި ކާނާ ލިބުމަކީ ވައިރަސްއާ ދެކޮޅަށް މަސައްކަތް ކުރުމަށް އެންމެ މުހިންމު ކަންކަމެވެ.

އައިސްކްރީމް ކެއުމުން ދުރުހެލިވާންވީ ކޮން އިރަކު؟

ކަރުގައި ބޮޑަށް ރިއްސާނަމަ، ހުއްޓުމެއްނެތި ކެއްސާނަމަ، މޭނުބައިކޮށް ހޮޑުލަވާނަމަ، ބޮޑުކަމުދާ އެއްޗެހި ދިޔާވާނަމަ ނުވަތަ ކާއެއްޗެހި ދިރުވަން އުނދަގޫވާނަމަ، މަޑު އަދި ހޫނު ކާނާ ބޭނުންކުރުން މާ ރަނގަޅެވެ. އަދި އާންމުކޮށް ވެސް ކިރުގެ ބާވަތްތަކުން ބަނޑަށް އުނދަގޫވާ މީހެއްނަމަ، ބަލިވެ އުޅޭ ވަގުތު އައިސްކްރީމް ބޭނުންކުރުމުން އިތުރަށް އުނދަގޫ ވެދާނެއެވެ.

އަރިދަފުސް ރޯގާ ޖެހުމަކީ ފިނި ކާނާ މުޅިން ހުއްޓާލަންޖެހޭ ސަބަބެއް ނޫނެވެ. އެންމެ މުހިންމު ކަމަކީ ތިމާގެ އަމިއްލަ ހަށިގަނޑަށް އެކަމުން ކުރާ އަސަރު ދެނެގަތުމެވެ. ގިނައިން ދިޔާތަކެތި ބޭނުންކޮށް، ފައިދާހުރި ކާނާ ކައި، ރަނގަޅަށް އަރާމުކުރާށެވެ. އަދި ހާލަތު މާ ބޮޑަށް ގޯސްވާނަމަ، ލަސްނުކޮށް ޑޮކްޓަރެއްގެ ލަފާ ހޯދުމަކީ އެންމެ ރައްކާތެރި ގޮތެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ
21 Nov 2026 ހަބަރު

ގަމު ރީޖަނަލް ހޮސްޕިޓަލް އައިސީޔޫ ރޫމްގެ ސީލިންގެ ބައެއް ވެއްޓިއްޖެ

އައިސީޔޫގެ ސީލިންގު ވެއްޓިފައިމިވަނީ އެތަނުން ފެން ލީކްވުމުގެ މައްސަލަތަކެއްވެސް ފެންމަތިވެފައި ވަނިކޮށެވެ. އެގޮތުން ސީލިންގުން ފެން ލީކުވާތާ އަހަރެއްހާދުވަސް ވެފައިވާކަމަށް މައުލޫމާތު ލިބެއެވެ

ހޫނު މޫސުމުގައި ބޮލުން އިސްތަށި ފޭބުން: ސަބަބުތަކާއި ރައްކާތެރިވާނެ ގޮތްތައް
16 Nov 2026 ލައިފްސްޓައިލް

ހޫނު މޫސުމުގައި ބޮލުން އިސްތަށި ފޭބުން: ސަބަބުތަކާއި ރައްކާތެރިވާނެ ގޮތްތައް

ހޫނު މޫސުމަކީ ގަދަ ހޫނާއި ވައިގެ ތެތްކަން މަތިވެގެންދާ ދުވަސްވަރެކެވެ. މިއީ އިސްތަށިގަނޑަށް އެކި ގޮތްގޮތުން ގޮންޖެހުންތަކާ ކުރިމަތިލާންޖެހޭ ދުވަސްވަރެއްވެސް މެއެވެ. މި މޫސުމުގައި އަންހެނުންނާއި ފިރިހެނުންގެ ވެސް ބޮލުން އިސްތަށި ފޭބުން އިތުރުވެ، އެކަމުގެ ކަންބޮޑުވުމާ ކުރިމަތިލާން ޖެހެއެވެ.

ރާއްޖޭގައި ހަކުރުބަލީގެ އާބާދީ 7،000 އަރައިފި
14 Nov 2026 ހަބަރު

ރާއްޖޭގައި ހަކުރުބަލީގެ އާބާދީ 7،000 އަރައިފި

މި ދުވަހާ ގުޅިގެން އެ އިދާރާއިން ނެރުނު ބަޔާނުގައި ވަނީ، ގައިންގަޔަށް ނާރާ ބަލިތަކަކީ ރާއްޖޭގެ ސިއްހީ ނިޒާމަށް ކުރިމަތިވެފައިވާ ބޮޑު ގޮންޖެހުމެއްކަން ފާހަގަކޮށްފައެވެ. އަދި މި ބަލި ރާއްޖޭގައި މިހާރު އޮތް ހާލަތު ވަނީ ސާފްކޮށް ބަޔާންކޮށްދީފައެވެ.

ފުރަމޭގައި ސަރުބީ ޖެހުމުން ރައްކާތެރިވުމަށް ކެއުމުގައި ބޭނުންކުރެވިދާނެ 5 ބާވަތެއް
11 Nov 2026 ލައިފްސްޓައިލް

ފުރަމޭގައި ސަރުބީ ޖެހުމުން ރައްކާތެރިވުމަށް ކެއުމުގައި ބޭނުންކުރެވިދާނެ 5 ބާވަތެއް

ފުރަމޭގައި ސަރުބީ ޖެހުން ނުވަތަ "ފެޓީ ލިވަރ ޑިޒީޒް" އަކީ މިއަދު ދުނިޔޭގެ އެތައް މިލިއަން ބަޔަކަށް ކުރިމަތިވަމުން އަންނަ އާންމު ޞިއްޙީ މައްސަލައެކެވެ. ނަމަވެސް، މި ބައްޔާ ދެކޮޅަށް މަސައްކަތްކުރުމުގައި އަޅުގަނޑުމެން ކެއުމަށް ބޭނުންކުރާ ތަކެތީގެ މުހިންމުކަން ގިނަ މީހުންނަށް ނޭނގެއެވެ. އަޅުގަނޑުމެން ކާބޯތަކެތީގެ ސަބަބުން ފުރަމޭގެ ދުޅަހެޔޮކަމަށް ވަރަށް ބޮޑު އަސަރެއް ފޯރުވައެވެ.

60 ސްޓޯލާއެކު މި އަހަރުގެ ހެލްތް އެންޑް ފެމިލީ އެކްސްޕޯ ފަށައިފި
05 Nov 2026 ހަބަރު

60 ސްޓޯލާއެކު މި އަހަރުގެ ހެލްތް އެންޑް ފެމިލީ އެކްސްޕޯ ފަށައިފި

މާލެއާއި އަތޮޅުތަކުގެ ހޮސްޕިޓަލްތައް ހިމެނޭހެން، ޞިއްޙީ ދާއިރާގައި ހަރަކާތްތެރިވާ 60 އަށްވުރެ ގިނަ ޖަމުޢިއްޔާ ޖަމާޢަތްތަކުން ބައިވެރިވެ އެވެ.

ކޮރެއަން ސްކިންކެއާގެ މަގުބޫލުކަން މުޅި ދުނިޔެއަށް ފެތުރިގެންދިޔައީ ކީއްވެ؟
05 Nov 2026 ލައިފްސްޓައިލް

ކޮރެއަން ސްކިންކެއާގެ މަގުބޫލުކަން މުޅި ދުނިޔެއަށް ފެތުރިގެންދިޔައީ ކީއްވެ؟

ކުރިން ކޮރެއާގައި އެކަނި މަގުބޫލުކަން އޮތް މި އުފެއްދުންތައް މިއަދު ދުނިޔޭގެ އެކި ކަންކޮޅުތަކުގައި ދިރިއުޅޭ މީހުންގެ އާންމު ދިރިއުޅުމުގެ ބަޔަކަށް ވެފައިވާއިރު، މިއީ ހަމައެކަނި ވަގުތީ ޓްރެންޑެއް ނޫނެވެ. މި އުފެއްދުންތަކަށް އޮތް ޑިމާންޑް ދުވަހުން ދުވަހަށް އިތުރުވަމުންދަނީ އެއިން ލިބޭ ހަގީގީ ނަތީޖާއާއި އޭގެ ފަހަތުގައިވާ ސިއްހީ ފައިދާތަކުގެ ސަބަބުންނެވެ.