މިއޮތީ މުރަނގަފަތުގެ ޕައުޑަރ އިން ތައްޔާރު ކޮށްލެވޭނެ މީރު އަދި ސިއްޙަތަށް ފައިދާހުރި ބުއިމެއް!

މުރަނގަފަތަކީ އޭގައި އެތަކެއް ފައިދާ ހުރި އެއްޗެކެވެ. ކޮންމެ ދުވަހަކުވެސް ގަވާއިދުން އެ ކެއުމަކީ ހަނގަނޑަށާއި އެތެރެ ހަށީގެ ގުނަވަންތަކުގެ ދުޅަހެޔޮ ކަމަށް މުހިންމު ކަމެކެވެ. ނަމަވެސް ބައެއް ފަހަރު އޭގައި ލާ ރަހައެއްގެ ސަބަބުން މީހުން އެ ފަތް ކެއުމަށް އުޒުރު ދައްކައެވެ. އެހެން ކަމުން މިއަދު މި ގެނެސްދެނީ މުރަނގަފަތު ޕައުޑަރ ނުވަތަ މޮރިންގާ ލީވްސް ޕައުޑަރ އިން ތައްޔާރު ކުރެވޭނެ މީރު ބުއިމެއްގެ ރެސިޕީއެވެ.

ބޭނުންވާ ތަކެތި:

• 1 1/2 ތަށި އޯގަނިކް ކޮކަނަޓް ނުވަތަ އަލްމަންޑް ކިރު

• 1 1/2 ސަމުސާ މުރަނގަ ފަތުގެ ޕައުޑަރު

• 1 1/2 ސަމުސާ މާމުއި

ތައްޔާރުކުރާނެ ގޮތް:

1. މޮރިންގާ ޕައުޑަރާއި މާމުއި ތަށްޓަކަށް އަޅާ ރަނގަޅަށް އެއްކޮށްލާށެވެ.

2. ކޮކަނަޓް ނުވަތަ އަލްމަންޑް ކިރު ތެއްޔެއްގައި ހޫނުކުރާށެވެ.

3. ހޫނުކޮށްފައިވާ ކިރުން ކުޑަ މިންވަރެއް މޮރިންގާ ޕައުޑަރާއި މާމުއި އެއްކޮށްފައިވާ ތަށްޓަށް އަޅާ ރަނގަޅަށް އެއްކޮށްލާށެވެ.

4. ދެން ބާކީ ހުރި ކިރު މަޑުމަޑުން އަޅާށެވެ.

5. ރަނގަޅަށް އެއްކޮށްލުމަށްފަހު ބޯލާށެވެ.