އަޔަލެންޑްގެ ކޯޗިން ސްޓާފެއް ގަޔަށް އިޒްރޭލުގެ ކުޅުންތެރިއަކު ކުޅުޖެހި މައްސަލަ ޔުއެފާއިން ބަލަން ފަށައިފި

ޔޫއެފާ ނޭޝަންސް ލީގުގައި ރިޕަބްލިކް އޮފް އަޔަލެންޑާއި އިޒްރޭލު ބައްދަލުކުރި މެޗުގެ ހާފްޓައިމްގައި، އިޒްރޭލުގެ ކުޅުންތެރިއަކު އަޔަލެންޑްގެ ކޯޗިން ސްޓާފެއް ގަޔަށް ކުޅުޖެހި ކަމަށް ބުނާ މައްސަލައެއް ޔޫރަޕްގެ ފުޓްބޯޅަ އިދާރާ (ޔުއެފާ) އިން ބަލަން ފަށައިފިއެވެ.

ސާބިއާގެ ބަކާ ޓޮޕޯލާގައި ކުޅުނު މި މެޗު 1-1 އިން އެއްވަރުވެފައިވާއިރު، މި ހަމަނުޖެހުން ހިނގާފައިވަނީ މެޗުގެ ފުރަތަމަ ހާފު ނިމިގެން ޓަނަލް ތެރެއިން ޓީމުތައް ޑްރެސިން ރޫމަށް ދިޔަ ވަގުތުގައެވެ. މީޑިއާ ރިޕޯޓްތައް ބުނާ ގޮތުގައި، އަޔަލެންޑްގެ ކޯޗިން ސްޓާފެއް ގަޔަށް އިޒްރޭލު ކުޅުންތެރިއަކު ވަނީ ގަސްދުގައި ކުޅުޖަހާފައެވެ.

މެޗަށްފަހު ވާހަކަދައްކަމުން އަޔަލެންޑްގެ ހެޑް ކޯޗު ހެއިމިރް ހަލްގްރިމްސަން ވަނީ އެފަދަ ހާދިސާއެއް ހިނގިކަން ކަށަވަރުކޮށްދީފައެވެ. ނަމަވެސް، އެކަމާ ގުޅޭގޮތުން އިތުރު ތަފްސީލެއް ދޭން އޭނާ ދެކޮޅު ހެދިއެވެ.

"އާނ، އަހަރެން އެތަނުގައި ހުރިން،" ނޫސްވެރިންނާ ވާހަކަދައްކަމުން ކޯޗު ބުންޏެވެ. "އެކަމަކު އަހަރެން އެކަމާ ބެހޭގޮތުން އެއްޗެއް ބުނާކަށް ބޭނުމެއް ނޫން. އެއީ ޑިސިޕްލިނަރީ ކޮމިޓީން ބަލަންޖެހޭނެ ކަމެއް."

މި މައްސަލައާ ގުޅިގެން ޔުއެފާއިން އަންގާރަ ދުވަހު ނެރުނު ބަޔާނެއްގައި ބުނެފައިވަނީ، ހާފްޓައިމްގައި ޓަނަލް ތެރޭގައި ހިނގައިދިޔަ ކަންތައްތަކާ ގުޅޭގޮތުން ލިބިފައިވާ ރަސްމީ ރިޕޯޓްތައް ބެލުމަށްފަހު، ކުޅުންތެރިންގެ ފަރާތުން ފެނުނު އަހުލާގީ މައްސަލަތައް ތަހުގީގު ކުރުމަށްޓަކައި ޔުއެފާގެ އެތިކްސް އެންޑް ޑިސިޕްލިނަރީ އިންސްޕެކްޓަރަކު މިހާރު އައްޔަންކޮށްފައިވާ ކަމަށެވެ.

އަނެއްކޮޅުން މި ހާދިސާއާ ގުޅޭގޮތުން އިޒްރޭލުގެ ކޯޗު ރަން ބެން-ޝިމޯންއާ ސުވާލުކުރުމުން އޭނާ ބުނީ އެފަދަ އެއްވެސް ކަމެއް އޭނާއަށް ފެނިފައިނުވާ ކަމަށެވެ.

ޣައްޒާގެ މުސްލިމުންނާ ދެކޮޅަށް އިޒްރޭލުން ހިންގަމުންދާ ގަތުލުއާންމާއި ލާއިންސާނީ އުދުވާންތަކުގެ ސަބަބުން ބޮޑެތި ނުތަނަވަސްކަން އުފެދިފައިވާ މި ދަނޑިވަޅުގައި، މިއީ އެއް ހަފްތާ ތެރޭގައި މި ދެ ޓީމު ބައްދަލުކުރި ދެވަނަ މެޗެވެ. ހަންގޭރީގައި ކުޅުނު ފުރަތަމަ މެޗު 3-0 އިން ކާމިޔާބުކުރީ އަޔަލެންޑެވެ.

މި މެޗު ފެށުމުގެ ކުރިން އިޒްރޭލުގެ ކުޅުންތެރިންނާ ސަލާމްކުރުމަށް އަޔަލެންޑްގެ ޓީމުން ވަނީ އިންކާރުކޮށްފައިވާއިރު، ޣައްޒާ ގަތުލްއާއްމާ ދެކޮޅަށް އަޑު އުލުމަށް ޓީމުކުލުންތެރިން ތިބީ ކަޅު ބޭންޑު އަޅައިގެންނެވެ: