ސަލަފުގެ "ރޯދަ ކަނބަލުން" ވޯކްޝޮޕް: ރަނުގެ ފުރުސަތެއް

ޖަމިއްޔަތުއް ސަލަފުން "ރޯދަ ކަނބަލުން" ނަމުގައި ހާއްސަ ވޯކްޝޮޕެއް ބާއްވަންް ނިންމާ ބައިވެރިވުމަށް ހުޅުވާލައިފި އެވެ.

މިއީ އެ ޖަމިއްޔާ އިން ކުރިއަށް ގެންދާ "ޖަވާހިރު" ސިލްސިލާގެ ޕްރަގްރާމްތަކުގެ ތެރެއިން ހިންގާ ވޯކްޝޮޕެކެވެ. ސަލަފުން ބުނި ގޮތުގައި 15 އަހަރުން މަތީގެ އަންހެނުންނަށް ހާއްސަކޮށްގެން ކުރިއަށް ގެންދާ މި ވޯކްޝޮޕުން ރަމަޟާން މަހަށް‎ އިސްތިގުބާލު ކުރާނީ ކިހިނެއްކަމާއި އެ މައްސަރުގެ މާތްކަމާއި މަތިވެރިކަން ހާސިލުކުރެވޭނެ ގޮތްތަކާއި މުސްލިމު ކަނބަލެއްގެ ހައިސިއްޔަތުން އެ މައްސަރުގައި އުޅުމާއި ގުޅުން ‎ބަހައްޓަން ޖެހޭނެ ގޮތްތައް އެނގިގެންދާނެ އެވެ. އަދި ރޯދަމަހުގެ ދުވަސްތަކާއި ރޭތަކުގެބަރަކާތް އެންމެ ފުރިހަމަގޮތުގައި ހާސިލުކުރެވޭނީ ކިހިނެއް ކަންކަން‎ އިންތިޒާމުކޮށްގެންކަން ކިޔައިދޭނެ އެވެ.

މި ވޯކްޝޮޕް ކުރިއަށްގެންގޮސް ދޭނީ މައްކާގެ އުއްމުލްޤުރާ ޔުނިވާސިޓީން ފުރަތަމަ ޑިގްރީ އާއި ‎މާސްޓާސް ޑިގްރީ ހާސިލުކޮށްފައިވާ އަދި މިހާރު ދިވެހިރާއްޖޭގެ އިސްލާމީޔުނިވާސިޓީން ޕީއެޗްޑީ ހާސިލު ކުރަމުންގެންދާ އައްޝައިޚާ އާއިޝަތު‎ ރީމާ އެވެ. ރީމާ ވަނީ މީގެ ކުރިންވެސް ސަލަފުން ކަނބަލުންނަށް ހާއްސަކޮށް ކުރިއަށް ގެންދިޔަ އެކިއެކި ސެޝަންތައް ނަގައިދީފަ އެވެ.

‎އިލްމީ އަދި އަގުހުރި މި ވޯކްޝޮޕް ކުރިއަށްގެންދިޔުމަށް ހަމަޖެހިފައިވަނީ މި މަހުގެ 22 ވާ ހޮނހިރުދުވަހު ގަލޮޅު‎މަދަރުސާ ހޯލުގައި ދެ ދަންފަޅިއަކަށް ބަހާލެވިގެންނެވެ. މި ވޯކްޝޮޕްގެ ޖާގައިގެ އަދަދަކީ 50 ޖާގައެވެ. ބައިވެރިވާން އެދޭ ފަރާތްތަކުން ފޯމް ފުރުމަށް ފަހު ހުށައެޅުުން އެކަން ޖަމިއްޔާގެ ފަރާތުން އަންގާނެ ކަމަށް ބުންޏެބެ.

މި ވޯކްޝޮޕްގެ ބައިވެރިންގެ ރަޖިސްޓްރޭޝަން ފީގެ ގޮތުގައި 150 ރުފިޔާ ދައްކަންޖެހެއެވެ.

‎މި ވޯކްޝޮޕްގައި ވީހާވެސް ގިނަ ކަނބަލުން‎ބައިވެރިވެ، އިލްމީ މަންފާ ހާސިލުކުރުމަކީ ސަލަފުގެ ވަރަށް ބޮޑު އެދުމެއް ކަމަށް އެ ޖަމިއްޔާއިން ބުންޏެވެ.