ތި ސަބްމެރިން، ޕިއްޒާ، ބާގާ ކަހަލަ އެއްޗެހި އިތުރަށް މީރުކޮށްލަދޭނެ މި ޗީޒް ސޯސް އިން

ތަފާތު ވައްތަރުގެ ސޯހަކީ ރޯދަމަހު ގޭގޭގެ ބަދިގެއަށް ވަރަށް މުހިންމު އެއްޗެކެވެ. މިފަދަ ސޯސްގަނޑު މީރު ނަމަ ތައްޔާރުކުރާ އެތީގެ މީރުކަން އެތައް ގުނަ އަކަށް އިތުރުވެގެން ދެއެވެ. އެހެންކަމުން މިފަހަރު ވޮއިސްގެ ބަދިގެއިން މި ގެނެސްދެނީ މީރު ސޯސްގަނޑެއް ތައްޔާރު ކުރާނެ ގޮތެވެ.

މިއީ ބާގާ ސޯސް، ސަބްމެރިން ސޯސް އަދި ސޭންޑްވިޗް ސޯހު ގޮތުގައިވެސް ބޭނުން ކޮށްލަން ސަޅި ސޯހެކެވެ. އަދި ޕިއްޒާ ފިހެލުމަށްފަހު އޭގެ މައްޗަށް ޑްރިޒްލް ކޮށްލައިގެން ކާލަންވެސް ވަރަށް ކަމުދާނެ ސޯހެކެވެ.

ބޭނުންވާ ތަކެތި

1/2 ޖޯޑު ފުލް ކްރީމް މިލްކް

1/4 ޖޯޑި ކްރީމް

4 ޗީޒް ސްލައިސް

1/4 ސައި ސަމުސާ ލޮނު

1/4 ސައި ސަމުސާ އަސޭމިރުސް

1/2 ސައި ސަމުސާ ލޮނުމެދު ޕައުޑާ

ތައްޔާރު ކުރާނެ ގޮތް

1) މަޑުގިނީގައި ކިރާއި ކްރީމް ހޫނުކޮށްލާށެވެ.

2) ހޫނު ވުމުން އޭގެ ތެރެއަށް ޗީޒް ފޮތިތަކާއި ދެން ހުރި ތަކެތި އެޅުމަށްފަހު، ކްރީމީ ސޯސްގަނޑެއް ހެދެންދެން މަޑުމަޑުން ހަލުވަމުން މަޑު ގިނީގައި ކައްކާލާށެވެ.