އުރީދޫގެ ކަސްޓަމަރުންނަށް ހާއްސަކޮށްގެން ސުޕަޑީލްސް ކެމްޕެއިނެއް ތައާރަފުކޮށްފި

އުރީދޫ މޯލްޑިވްސްގެ ކަސްޓަމަރުންނަށް ހާއްސަކޮށްގެން #929* ސުޕަޑީލްސް ކެމްޕެއިނެއް ތައާރަފުކޮށްފި އެވެ.

މިކަމާއި ގުޅިގެން އުރީދުން ބުނެފައިވަނީ މި ކެމްޕެއިނުގެ ދަށުން ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް ވެސް ހާއްސަ އޮފަރތަކެއް ލިބިގެންދާނެކަމަށެވެ. މި ކެމްޕެއިންގައި ހިމެނިފައިވަނީ އެކި ކަސްޓަމަރުންގެ ބިހޭވިއަރ އަށް ބެލުމަށްފަހު ހާއްސަކުރެވޭ އޮފަރތަކެކެވެ.

އުރީދޫން ބުނެފައިވާ ގޮތުގައި ސުޕަރޑީލްގެ ފުރުސަތުތައް ހޯދުމަށް އިތުރު ސަބްސްކްރިޕްޝަނެއް ނުވަތަ ސައިން އަޕް ފީއެއް އެކުލެވިގެން ނުވެ އެވެ. އެހެންކަމުން އުރީދޫގެ ކޮންމެ ޕްރީޕެއިޑް އަދި ޕޯސްޓްޕެއިޑް ނަންބަރަކަށްވެސް މި އޮފަރ ހޯދުމުގެ ފުރުސަތު ވަނީ ހުޅުވާލެވިފަ އެވެ.

ސުޕަރޑީލްސްގެ ތެރޭގައި ބޯނަސް ޑޭޓާ ޕެކޭޖްތަކާއި ޑިސްކައުންޓްތަކުގެ އިތުރުން ހާއްސަ ހަދިޔާތައްވެސް ވަނީ ހިމެނިފަ އެވެ. އަދި ލިބޭ އޮފަރ ތައް ބަދަލުވެސް ވާނެއެވެ. ކަސްޓަމަރުންނަށް އުރީދޫ ޕޯސްޓްޕެއިޑް ނުވަތަ ޕްރީޕެއިޑް ނަމްބަރަށް #929* އަށް ފިތާލައިގެން ޕާސަނަލައިޒްޑް ސުޕަޑީލްތަކަށް ފަސޭހައިން ވަދެވޭނެ އެވެ. ޑޭޓާ އެލަވަންސް ބޮޑުކުރަން ބޭނުންވިޔަސް، އަދި އެޑް-އޮން ތަކުން ޑިސްކައުންޓެއް ބޭނުންވިޔަސް، #929* ސުޕަޑީލްސް އިން ހާއްސަކުރެވިފައިވާ އޮފަރއެއް އޮންނާނެ އެވެ.

#929* ސުޕަރޑީލްސްއާއެކު ކަސްޓަމަރުންނަށް ލިބިގެންދާ ވެލިއު އިތުރުވެގެންދާނެ ކަމަށް މިކަމާއި ގުޅިގެން އުރީދޫ މޯލްޑިވްސްގެ ސީއީއޯ އަދި މެނޭޖިން ޑިރެކްޓަރ ޚާލިދު އަލް ހަމާދީ ވަނީ ވިދާޅުވެފަ އެވެ. ކޮންމެ ކަސްޓަމަރަކަށް ވެސް އިތުރު ޑޭޓާ، ޑިސްކައުންޓް އަދި އުފާވެރި ސަޕްރައިޒްތަކެއް މި ކެމްޕެއިންގެ ތެރެއިން ލިބިގެންދާނެކަމަށާއި، #929* ސުޕަޑީލްސް ގެ ތެރެއިން އޮފަރއަކަށް ފިތާލުމާއެކު ވަގުތުން އެ އޮފަރ އެކްޓިވޭޓް ދާނެކަމަށް އުރީދުން ވަނީ ބުނެފަ އެވެ.

އުރީދޫން ބުނެފައިވާ ގޮތުގައި އެކުންފުނީގެ އަމާޒަކީ ޑިޖިޓަލް މޯލްޑިވްސް އެއް ބިނާކުރުމެވެ. އަދި ރާއްޖޭގެ އެކި ކަންކޮޅުތަކުގައި ތިބި މީހުންނަށް ގުޅާލައި، ދިރިއުޅުމުގައި ކުރަންޖެހޭ ކޮންމެކަމެއްވެސް، އެއީ މަސައްކަތް، ކިޔެވުން، ވިޔަފާރި، ބޭންކިން އަދި މުނިފޫހިފިލުވުން ކަމުގައިވީ ނަމަވެސް ރައްކާތެރިކަމާއެކު ޑިޖިޓަލް ވަސީލަތްތައް މެދުވެރިކޮށް ކުރެވޭނެ މަގު ފަހި ކޮށްދިނުމުގައި އުރީދޫއިން އަބަދުވެސް މަސައްކަތްކުރަމުން އަބަދުވެސް ދާނެކަމަށް އުރީދުން ވަނީ ބުނެފަ އެވެ.