މަގުތަކަށް ދޫކޮށްލާފައި ހުރި 468 އުޅަނދު ނަގައިފި
ލިޔުންތެރިޔާ
އަހުމަދު ހަމީދު އާދަމް
ބޭނުން ނުކޮށް މަގުތަކަށް ދޫކޮށްލާފައި ހުރި 468 އުޅަނދު ނަގައިފި އެވެ.
މާލޭގެ މަގުތަކުގައި ދިގު މުއްދަތަކަށް ބޭނުންނުކޮށް ދޫކޮށްލާފައި ހުރި އުޅަނދުތައް ނެގުމުގެ މަސައްކަތް ފުލުހުން ފެށީ މި މަހުގެ 15 ވަނަ ދުވަހު އެވެ. އެ ދުވަހުން ފެށިގެން ކޮންމެ ދުވަހަކު އެފަދަ އުޅަނދުތައް މަގުތަކުން ނެގުމުގެ މަސައްކަތް ފުލުހުން ގެންދިޔައީ ކުރަމުންނެވެ.
އެ މަސައްކަތުގެ އެންމެ ފަހު ތަފްސީލު ހިއްސާ ކުރަމުން ފުލުހުން މިއަދު ބުނީ އިއްޔެއާ ހަަމައަށް ޖުމުލަ 468 އުޅަނދު ނަގާފައިވާ ކަމަށެވެ. އޭގެ ތެރޭގައި ހިމެނެނީ ދެ ފުރޮޅުލީ 432 އުޅަނދާއި ހަތަރު ފުރޮޅުލީ 33 އުޅަދު އަދި ތިން ބައިސްކަލު ކަމަށް ވެސް ބުންޏެވެ.
މާލޭގައި ވެހިކަލް ގިނަވެ ޕާކުކުރާނެ ތަނެއް ނެތުމުގެ މައްސަލަ ބޮޑެވެ. އެ މައްސަލައަށް ހައްލެއް ހޯދުމަށް ސަރުކާރުތަކުން ގިނަ މަސައްކަތްތަކެއް ކުރެ އެވެ. މަގުތަކުގެ ތަރުތީބު ގެއްލުމުގައި ބޭނުން ނުކޮށް މަގުތަކަށް ދޫކޮށްލާފައި ހުންނަ ވެހިކަލްތަކުގެ ދައުރު ބޮޑެވެ. ގިނަ ފަހަރަށް މި ގޮތަށް ވެހިކަލްތައް ދޫކޮށްލަނީ ވަރަށް ބޮޑަށް ހަލާކުވުމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
