ރިޝްވަތުގެ ގޮތުގައި ހޯދާ މުދަލުން ހިތްހަމަޖެހުމެއް ނުލިބޭނެ؛ އެއީ މުދަލުގެ ބަރަކާތް ކެނޑޭ ކަމެއް: ޚުތުބާ

ރިޝްވަތުގެ ގޮތުގައި ހޯދާ މުދަލުން ހިތްހަމަޖެހުމެއް ނުލިބޭނެ ކަމަށާ، އެފަދައިން މުދާ ހޯދުމަކީ މުދަލުގެ ބަރަކާތް ކެނޑޭ ކަމެއް ކަމުގައި މިއަދު ހުކުރު ޚުތުބާގައި ބުނެފިއެވެ.

ރިޝްވަތުގެ ނުބައިކަމުގެ މައްޗަށް އަލިއަޅުވާލައި މިއަދު އިއްވި ހުކުރު ޚުތުބާގައި ބުނީ، އިސްލާމް ދީނުގެ މަތިވެރި ނިޢުމަތާއި ފުރިހަމަ ސިއްޙަތަށްފަހު، އަޅަކަށް ދުނިޔެމަތީގައި ލިބޭނެ އެންމެ މަތިވެރި ނިޢުމަތަކީ ޙަލާލު ރިޒުޤު ކަމަށެވެ. އަދި ދުނިޔެ ޒީނަތްތެރި ކުރެވިފައިވަނީ ލައްޒަތާއި ޝަހުވަތުންކަން ފާހަގަކޮށް ޚުތުބާގައި ބުނީ ބާތިލު ގޮތުގައި މުދާ ކެއުމަކީ މާތް الله ޙަރާމް ކުރައްވާފައިވާ ކަމެއް ކަމަށެވެ.

ޚުތުބާގައި ބުނި ގޮތުގައި ބާޠިލް ގޮތުގައި މުދާ ކެއުމުގެ ތެރޭގައި ރިޝްވަތު ހިމެނެއެވެ.

ރިޝްވަތުގެ ސަބަބުން މުދަލުގެ ބަރަކާތް ކެނޑި، މުދާ ހަލާކުވއެވެ. ރިޝްވަތުގެ ގޮތުން މީހަކު ކިތަންމެ ބައިވރު މުދަލެއް ހޯދިކަމުގައި ވިޔަސް އެ މީހަކަށް އެއިން ހިްތަހަމަ ޖެހުމެއްނުލިބޭނެއެވެ. އަދި ކީތްހެއްޔެވެ؟ ޙަރާމް ގޮތުގައި މުދާ ހޯދުމަށް ކުރާ މަސައްކަތް އިތުރުކުރެއެވެ. އެ ޙާލުގައި އުޅެނިކޮށް އެންމެ ފހުން އެ މީހަކާ މަރާ ބައްދަލުކުރެއެވެ. ނުޙައްޤުން މުދާ ހޯދާ މީހެއްގެ މިސާލަކީ ކިތަންމެ ވަރަށް ކެޔަސް ބަނޑުހައިކަން ނުފިލާ މީހެއްގެ މިސާލެވެ.

ޚުތުބާ

މިއާއެކު ޚުތުބާގައި ބުނީ، ދުނިޔޭގައި ފތުރިފައިވާ ނުރައްކާތެރި ބޮޑެތި ވަބާތަކުގެ ތެރެއިން، ފިލުވައިލާން އެންމެ އުނދގޫ އެއް ވަބާއަކީ، ރިޝްވަތުގެ ވަބާ ކަމުގައެވެ. އަދި ފަހުގެ ދިރާސާތަކުން ދައްކާ ގޮތުގައި ދުނިޔާގެ ވަރަށް ގިނަ މުޖުތަމަޢު ތަކުގައި ރިޝަވަތުގެ ޢަމަލުތައް އާއްމުވެ، ކޮންމެވެސް މިންވަރެއްގެ ރިޝްވަތެއްނެތި އެއްވެސް ކަމެއްނުކުރެވޭ ގޮތް ވެފައުވާ ކަމަށްވެސް ބުނެފައުވެއެވެ.

ޚުތުބާގައި އިތުރަށް ބުނީ، ރިޝްވަތުގެ ސަބަބުން ހަމަހަމަކަން ގެއްލި އެތައް ބަޔަކަށް ލިބެންޖެހޭ ޙއްގުތައް ނުލިބި، އެތައް ބަޔަކަށް ނުހައްގުން އެތައް އެއްޗއް ލިބޭ ކަމަށެވެ.

ރޝްވަތަކީ، ވަރަށް ރައްކާތެރި ބައްޔެކެވެ. އޭގެ ސަބަބުން މުޖުތަމަޢު ފަސާދަވެއެވެ. ރޝްވަތާއި ނާޖއިޒު ފައިދާއާއި ޚިޔާނާތުގެ ޢަމަލުތައް މުޖުތަމަޢުގައި ގިނަވެ، އެކަންކަމަކީ ވަރަށް އާދައިގެ ކަންކަން ކަމުގައި ދުށުމަކީ، ޤައުމުގެ މުސްތަޤުބަލާއި ދަރިންގެ ކުރިއެރުމާއި ތަރައްގީ އަރައިނުގަނެވޭނެ ފަދަ އަނދަވަޅަކަށް ވެއްޓުދާނެ ކަންކަމެވެ.

ހުކުރު ޚުތުބާ

އެހެން ކަމުން އެފަދަ ކަންކަމުން ދުރުވެ، ޙަލާލު ގޮތުގައި މުދާ ހޯދުމަށް ޚުތުބާގައި ވަނީ ނަޞޭޙަތްތެރިވެފައެވެ.