ރާއްޖެ ތަޖިކިސްތާން މެޗްގެ ފޯރި ގަދަކުރަން މިއަދު ކުޑަކުދިންގެ ހަވީރެއް ބާއްވަނީ

އޭއެފްސީ އޭޝިއަންކަޕް ކޮލިފައިންގައި ދިވެހިރާއްޖެއާ ތަޖިކިސްތާން ބައްދަލުކުރާ މެޗްގެ ފޯރި ގަދަކުރުމުގެ ގޮތުން އެފްއޭއެމުން މިއަދު ކުޑަކުދިންގެ ހަވީރެއް ބޭއްވުމަށް ނިންމައިފިއެވެ.

އެފްއޭއެމުން ބުނީ ކުޑަކުދިންގެ ހަވީރު ކުރިއަށްދާނީ މިއަދު ހަވީރު 16:15 އިން ފެށިގެން 18:00 ޖެހުމާ ހަމަޔަށް ހެންވޭރު އާޓިފިޝަލް ބީޗް ސަރަހައްދުގައިކަމަށެވެ. ކުދަކުދިްނގެ މި ހަވީރުގައި ފުޓްބޯޅައާ ގުޅުވައިގެން ފޯރިގަދަ ހަރަކާތްތަކެއް ބޭއްވުމަށް ވަނީ ހަމަޖެހިފައެވެ. އެފްއޭއެމުން ބުނީ މި ހަރަކާތްތަކުގައި ކުޑަކުދިންނާއި ބޮޑެތިމީހުންގެ މަގްބޫލް ކެރެކްޓަރ ރޮބޯމޭން އާއި ރާއްޖޭގެ ފްރީސްޓައިލް ފުޓުބޯޅައިގެ ކިންގް މުހައްމަދު ސައިފް ޒާހިރު (ސުޕަމޭން) ގެ އިތުރުން ބޮޑުބެރު ބޭންޑް  ބިދަބިންގެ ހުށަހެޅުންތައް ފެނިގެންދާނެއެވެ.

އޭއެފްސީ އޭޝިއަން ކަޕް ކޮލިފައިންގައި ރާއްޖެ ތަޖިކިސްތާނާ ބައްދަލުކުރާމެޗް އޮންނާނީ އަންނަ އަންގާރަދުވަހު ގަލޮޅުދަނޑުގައެވެ. އެފްއޭއެމުން މިހާރު ވަނީ މެޗްގެ ޓިކެޓް ވިއްކަން ފަށާފައެވެ.