ވޭލްސްއަށް އިނގިރޭސިން އަތުން މޮޅެއް ނުވެވުނު
ލިޔުންތެރިޔާ
އަބްދުﷲ ހުސައިން
ބައިނަލްއަޤްވާމީ ރަހުމަތްތެރިކަމުގެ މެެޗެއްގައި ރޭ އިންގްލެންޑާއި ވޭލްސް ބައްދަލުކުރިމެޗް ފަސޭހަކަމާއެކު އިނގިރޭސިން ކާމިޔާބުކޮށްފިއެވެ.
އިންގްލެންޑްގެ ވެމްބްލީ ސްޓޭޑިއަމްގައި ކުޅުނު މިމެޗް އިނގިރޭސިން ކުރިހޯދީ 0-3 ގެ ނަތީޖާއަކުންނެވެ. މިމެޗްގައި އިނގިރޭސިން ވޭލްސް އާ ދެކޮޅަށް ނިކުތީ އެޓީމްގެ އެންމެ މުހިންމު ފޯވަޑް ހެރީ ކޭން އާނުލައެވެ.
މެޗްގައި ފެނިގެންދިޔަ ހުރިހާ ލަނޑެއްވެސް ޖަހާފައިވަނީ ފުރަތަމަ ހާފްގެ ތެރޭގައެވެ. އިންގްލެންޑަށް ގޯލް ހުޅުވާލަދިނީ ތިންވަނަ މިނެޓް ތެރޭގައި އެސްޓަންވިލާގެ ކުޅުންތެރިޔާ މޯގަން ރޮޖަރސް އެވެ. ދެވަނަ ލަނޑު އޮލީ ވޮޓްކިން ކާމިޔާބުކޮށްދިންއިރު ތިންވަނަ ލަނޑު ކާމިޔާބުކޮށްދިނީ އާސެނަލްގެ ބުކަޔޯ ސަކާ އެވެ.
މިމެޗްގައި ހެރީ ކޭންގެ ބަދަލުގައި އިންގްލެންޑްގެ ކޯޗް ތޯމަސް ޓުޗެލް ބޭނުންކޮށްފައިވަނީ އޮލީ ވޮޓްކިންސްއެވެ. މެޗްގައި ވޭލްސްއަށްވެސް ލަނޑުޖަހާނެ ރަނގަޅު ފުރުސަތުތައް ލިބުނުނަމަވެސް ވަނީ ބޭނުންނުކުރެވިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
