އައިވަރީ ކޯސްޓް ބަލިކޮށް ޖަރުމަނު، ނޮކް އައުޓުގެ ޖާގައެއް ކަށަވަރުކޮށްފި

ފަހަތުން އަރައި އައިވަރީ ކޯސްޓް ބަލިކޮށް ޖަރުމަނުވިލާތުން ނޮކްއައުޓް ބުރުގެ ޖާގައެއް ކަށަވަރުކޮށްފިއެވެ.

ފޯރިގަދަ ކުޅުމެއް ފެނިގެންދިޔަ މިމެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ އައިވަރީ ކޯސްޓުންނެވެ. އެއީ މެޗްގެ 30 ވަނަ މެޗްގެ 30 ވަނަ މިނެޓް ތެރޭގައި އައިވަރީ ކޯސްޓްގެ ކެޕްޓަން ފްރޭންކް ކެސީ ކާމިޔާބުކޮށްދިން ލަނޑުންނެވެ. ކެސީގެ މި ލަނޑަށްފަހު މެޗްގެ ފުރަތަމަ ހާފް ނިމުނީ އައިވަރީ ކޯސްޓް ކުރީގައި އޮވެގެންނެވެ.

މެޗްގައި ޖަރުމަނުވިލާތުން އެއްވަރުކޮށްފައިވަނީ، 68 ވަނަ މިނެޓް ތެރޭގައެވެ. މި ލަނޑުގެ ކުރިން މެޗްގެ 60 ވަނަ މިނެޓްގެ ތެރޭގައި އަމީރީ އަދި އުންޑާވް ކުޅެން އެރުވުމާއެކު ޖަރުމަނުޓީމްގެ ކުޅުން ރަނގަޅުވެ ހަމަލާތައް ވަރުގަދަވެގެން ދިޔައެވެ. ނަތީޖާއެއްގެ ގޮތުން ޖަރުމަނުން ވަނީ ދެ ލަނޑުޖަހައި މެޗުން ކުރި ހޯދާފައެވެ. މިމެޗްގައި ޖަރުމަނުގެ ފަހު ލަނޑު ކާމިޔާބުކޮށްދިނީވެސް، ބަދަލުކުޅުންތެރިއެއްގެ ގޮތުގައި ކުޅެންއެރި އުންޑާވް އެވެ.

މިމެޗްގައި މޮޅަށްކުޅެ ގޯލަށް އަމާޒުކޮށް ގިނަ ހަމަލާތައް އުފައްދާފައިވަނީ ޖަރުމަނުންނެވެ. މެޗްގައި އައިވަރީ ކޯސްޓްގެ ފަރާތުން ފުރަތަމަ ހާފްގައި މޮޅު ކުޅުމެއް ފެނިގެންދިޔަ ނަމަވެސް ފަހު ހާފް ފެނުނީ ދަށް ކުޅުމެކެވެ.