އިންފަންޓީނޯގެ ޕްލޭނަށް ފާޑުކިޔައިގެން ފީފާގެ އިސް އޮފިޝަލަކު މަގާމުން ވަކިކޮށްފި

ފީފާގެ ރައީސް ޖިއާނީ އިންފަންޓީނޯގެ ވިޔަފާރި ޕްލޭނަށް ފާޅުކަން ބޮޑު ގޮތެއްގައި ފާޑުކިޔައިގެން އެ އިދާރާގެ ޗީފް އޮޕަރޭޓިން އޮފިސަރު ކެވިން ލަމޫރާ މަގާމުން ވަކިކޮށްފިއެވެ.

މިކަމާ ގުޅޭގޮތުން ފީފާގެ ސެކްރެޓަރީ ޖެނެރަލް މެޓިއަސް ގްރެފްސްޓްރޯމް ހޯމަ ދުވަހުގެ ރޭ މުވައްޒަފުންނަށް ފޮނުވި އީމެއިލެއްގައި ބުނެފައިވަނީ އެ ޖަމިއްޔާ އާއި ކެވިން އާ ދެމެދު އޮތް އެއްބަސްވުން ނިމުމަކަށް ގެނައުމަށް ދެފަރާތުންވެސް އެއްބަސްވެފައިވާކަމަށެވެ.

ފީފާގެ ހުރިހާ މުބާރާތެއްގެ ވިޔަފާރި އަދި ޓިކެޓިން ޙައްޤުތައް ބެލެހެއްޓުމަށް އިންފަންޓީނޯ ހުށަހެޅި ފީފާ ފޯވާޑް އެންޓަރޕްރައިޒް (އެފްއެފްއީ) ޕްލޭނަކީ "އެކެއްގެ ޕްރޮޖެކްޓެއް" ކަމަށް ބުނެ ލަމޫރާ ވަނީ ފާޑު ކިޔައިފައެވެ. ލަމޫރް ބުނީ އެ ޕްރޮޖެކްޓްގައި އުސޫލާ ހިލާފަށް ކަންކަން ކުރުމަށް އެކަށައަޅާފައިވާކަމަށެވެ. ލަމޫރާގެ ފާޑުކިޔުންތައް ތިލަވެފައިވަނީ މިދިޔަ މަހުގެ ތެރޭގައެވެ.

ލަމޫރާގެ ވާހަކަތައް އެގޮތަށް އައިސްފައިވަނީ އޭނާ ވަޒީފާއިން ވަކިކުރާނެކަން އެނގިހުރެ ކަމަށް ބައެއް މީޑިއާތަކުގައި އޭނާ ވަނީ ބުނެފައެވެ. "ރައީސެއްގެ ވާޖިބަކީ މީހުން އެކުގައި ގެނެސް އެއްބައިވަންތަކޮށް ހިތްވަރު ދިނުމެވެ. މިއަދު ފެންނަނީ އެއާ ދިމާ އިދިކޮޅު މަންޒަރެކެވެ" ލަމޫރް ބުންޏެވެ.

2024 ވަނަ އަހަރުގެ ނޮވެމްބަރުގައި ޔުއެފާގެ ޑެޕިއުޓީ ޖެނެރަލް ސެކްރެޓަރީގެ މަޤާމުން ފީފާއާ ގުޅުނު ލަމޫރާ މަސައްކަތް ކުރަމުން އައިސްފައިވަނީ އިންފަންޓީނޯއާ ގާތުންނެވެ. ނަމަވެސް ފަހަކަށް އައިސް ލަމޫރާ އާއި އިންފަންޓީނޯ އާ ދެމެދު އޮތް ގުޅުން ވަނީ ވަރަށްބޮޑަށް ގޯސްވެފައެވެ. އެގޮތުން މި ސަބަބާހެދި ލަމޫރާ އެ ބައްދަލުވުމަށް ނުދާކަމަށް ބީބީސީން ވަނީ ބުނެފައެވެ.

ވިލާތުގެ ގިނަ ޤައުމުތަކެއްގެ ފުޓްބޯޅަ އިދާރާތަކުން ދަނީ އިންފަންޓީނޯ ބޮއިކޮޓްކުރަމުންނެވެ. އެގޮތުން ހޯމަ ދުވަހު ސްކޮޓިޝް އެފްއޭ އިން ވެސް ވަނީ އިންފަންޓީނޯ އަށް ދީފައި އޮތް ތާއީދު ނެގި ކަން އިޢުލާނުކޮށްފައެވެ. ކުރިން އިންގްލެންޑް ވޭލްސް ނޮދަން އަޔަލެންޑް އަދި ރިޕަބްލިކް އޮފް އަޔަލެންޑުން ވެސް ވަނީ ހަމަ އެ ފިޔަވަޅު އަޅައިފައެވެ.