ލިވަޕޫލް ބަލިކޮށް މެންޗެސްޓަރސިޓީ ތާވަލްގެ ދެވަނައަށް ޖެހިލައިފި

އިނގިރޭސިޕްރިމިއާ ލީގްގައި ރޭ މެންޗެސްޓަރ ސިޓީ އާއި ލިވަޕޫލް ބައްދަލުކުރިމެޗް މެންޗެސްޓަރ ސިޓީ ކާމިޔާބުކޮށްފިއެވެ.

އިއްތިހާދު ސްޓޭޑިއަމްގައި ކުޅުނު މިމެޗް ލިވަޕޫލްގެ މައްޗަށް އެޓީމް ކުރިހޯދީ 0-3 ގެ ނަތީޖާއަކުންނެވެ. ރޭގެ މެޗް ފަށައިގެން އެންމެފުރަތަމަ ލަނޑުޖަހާނެ ރަނުގެ ފުރުސަތެއް ލިބުނީ ސިޓީގެ ފޯވަޑް ހާލާންޑަށެވެ. އެއީ ޖެރަމީ ޑޮކޫއަށް ކުރި ފައުލަކާ ގުޅިގެން ސިޓީއަށް ލިބުނު ޕެނަލްޓީއެވެ. ނަމަވެސް ހާލާންޑް ފޮނުވާލި ޕެނަލްޓީ ލިވަޕޫލްގެ ކީޕަރުވަނީ މަތަކޮށްފައެވެ.

ޕެނަލްޓީ ނާކާމިޔާބުވިނަމަވެސް ހާލާންޑް ވަނީ 29 ވަނަ މިނެޓް ތެރޭގައި ލަނޑެއް ޖަހައި ސިޓީއަށް ލީޑް ނަގައިދީފައެވެ. މެޗްގައި ފެނިގެންދިޔަ ދެވަނަ ލަނޑު ކާމިޔާބުކޮށްދިނީ ގޮންޒަލެޒް އެވެ. އަދި ސިޓީގެ ފަހު ލަނޑު ކާމިޔާބުކޮށްދިނީ ޑޮކޫއެވެ.

މެޗްގައި ލިވަޕޫލްގެ ވެންޑައިކް ލަނޑެއް ޖެހިނަމަވެސް ރިޕްލޭ ބެލުމަށްފަހު ރެފްރީ ނިންމީ އޮފްސައިޑް ލަނޑެއްގެ ގޮތުގައެވެ. މެޗްގައި ލިވަޕޫލަށްވެސް ވަނީ ލަނޑުޖަހާނެ ރަނގަޅު ފުރުސަތުތައް ލިބިގެންގޮސްފައެވެ.

ރޭގެ މެޗަކީ މެންޗެސްޓަރ ސިޓީގެ ކޯޗް ގާޑިއޯލާގެ އިރުޝާދުގެ ދަށުން އެޓީމް ކުޅުނު 1000 ވަނަ މެޗެވެ.

ރޭގެ މެޗަށްފަހު 22 ޕޮއިންޓާއެކު ސިޓީ ތާވަލްގެ ދެވަނާގައި އުޅޭއިރު ލިވަޕޫލް ވަނީ 8 ވަނައަށް ވެއްޓިފައެވެ.