އުރީދޫ ސުޕަނެޓް އަޕްގްރޭޑްކޮށް، އަންލިމިޓެޑް އިންޓަނެޓް ހުރިހާ ކަސްޓަމަރުންނަށް

އުރީދޫ މޯލްޑިވްސްގެ ސުޕަނެޓްގެ ޚިދުމަތަށް ގެނެވުނު އަޕްގްރޭޑާއެކު، ހުރިހާ ކަސްޓަމަރުންނަށް އަންލިމިޓެޑް އިންޓަނެޓް ލިބޭނެ ކަމަށް އުރީދޫ މޯލްޑިވްސްއިން މިއަދު އިޢުލާނުކޮށްފިއެވެ. މި އަޕްގްރޭޑާއެކު، ކަސްޓަމަރުންނަށް 1 ޖީބީޕީއެސްއާ ހަމައަށް ސްޕީޑާއެކު މެދުނުކެނޑި ކަނެކްޓިވިޓީ ލިބޭނެއެވެ.

އުރީދޫ މޯލްޑިވްސްގެ ނޫސް ބަޔާނެއްގައި ބުނެފައިވާ ގޮތުގައި، މި އައު އަޕްގްރޭޑާއެކު ރާއްޖޭގައި އިންޓަނެޓްގެ ޚިދުމަތަށް އާ މިންގަނޑެއް ކަނޑައަޅައި، އެންމެންގެ އަތްފޯރާ ފަށަށް އަންލިމިޓެޑް އިންޓަނެޓް ފޯރުކޮށްދީފައިވެއެވެ.

ސުޕަނެޓް އަންލިމިޓެޑް ޕްލޭންތަކުގެ ތެރޭގައި 25 އެމްބީޕީއެސްއިން ފެށިގެން 1 ޖީބީޕީއެސްއާ ހަމައަށް ބާރު ސްޕީޑް ހިމެނެއެވެ. މި އިތުރު ފައިދާތަކާއެކު ކަސްޓަމަރުންނަށް އެއްވެސް ހުރަހެއް ނެތި މުޅި ދުވަހު ސްޓްރީމްކުރުމާއި، އަލްޓްރާ-ލޯ ލެޓެންސީއާއެކު މެދުކެނޑުމެއް ނެތި ގޭމް ކުޅުމާއި، ބްރައުޒްކުރުމާއި، މަސައްކަތްކުރުމާއި، ކިޔެވުމުގެ ފުރުޞަތު ލިބިގެންދާނެއެވެ.

އުރީދޫ މޯލްޑިވްސްއިން ބުނި ގޮތުގައި، މި އަޕްގްރޭޑަކީ ރާއްޖޭގެ އެންމެ ރަނގަޅު ނެޓްވޯކްގައި މެދުނުކެނޑި ކަނެކްޓިވިޓީ ފޯރުކޮށްދިނުމަށް އެ ކުންފުނިން ކުރާ މަސައްކަތުގެ ނަތީޖާއެކެވެ. އަދި މިއީ ކަސްޓަމަރުންނަށް އެންމެ ފުރިހަމަ ޑިޖިޓަލް ތަޖުރިބާތައް ފޯރުކޮށްދިނުމަށް ކުރާ މަސައްކަތުގެ ބައެއް ކަމަށްވެސް ވިދާޅުވިއެވެ.

އުރީދޫ މޯލްޑިވްސްއިން އިތުރަށް ބުނެފައިވަނީ، މި އައު ސުޕަނެޓް އަންލިމިޓެޑް ޕްލޭންތަކާއެކު، ކަސްޓަމަރުންނަށް ފިލްމު މެރަތަން، އޮންލައިން ގޭމިންގ ސެޝަން، އަދި ވޯކް ފްރޮމް ހޯމް ސެޓަޕް ފަދަ ކަންކަމުގައި ހަޤީޤީ އަންލިމިޓެޑް އިންޓަނެޓްގެ ތަޖުރިބާ ލިބިގެންދާނެ ކަމަށެވެ.

މި އައު އަޕްގްރޭޑާއެކު، އުރީދޫ މޯލްޑިވްސްއިން ދަނީ ޒަމާނީ ފެންވަރުގެ އިންޓަނެޓް ސޮލިއުޝަންތައް ފޯރުކޮށްދިނުމުގައި އިސްކޮށް ހަރަކާތްތެރިވެ، ކަސްޓަމަރުންނަށް އެއްވެސް ލިމިޓަކާ ނުލައި ގުޅާލެވިގެން ތިބުމުގެ މަގު ފަހިކޮށްދެމުންނެވެ.