އެމްޑީޕީ ޓިކެޓްގައި މަންދޫ ކައުންސިލަށް ހޮވުނު ޝަހީމާ ޕީއެންސީއަށް
އދ. މަންދޫ ކައުންސިލްގެ އަންހެން ގޮނޑިއަށް އެމްޑީޕީގެ ޓިކެޓުގައި ހޮވުނު ޝަހީމާ ޝިހާބު, ޕީއެންސީއާ ގުޅިއްޖެ އެވެ.
އޭނާ ޕީއެންސީއާ ގުޅި, މެންބާޝިޕް ފޯމް މިއަދު ވަނީ އެ ޕާޓީއާ ހަވާލުކޮށްފަ އެވެ. ޕީއެންސީން މިއަދު ބޭއްވި ނޫސްވެރީންގެ ބައްދަލްވުމުގައި ޝަހީމާ ބައިވެރިވި އެވެ. އެ ބައްދަލްވުމުގައި ޝަހީމާ ވަނީ ޕީއެންސީއާ ގުޅި މެންބާޝިޕް ފޯމް ޕާޓީގެ ޕީޖީ ލީޑަރު އިބްރާހިމް ފަލާހްއާ ހަވާލުކޮށްފަ އެވެ.
ނޫސްވެރީންގެ ބައްދަލްވުމުގައި ޝަހީމާ ބުނީ އޭނާ އިންތިހާބުވީ އެމްޑީޕީގެ ޓިކެޓްގައި ނަމަވެސް ޕީއެންސީއާ ގުޅުނީ ރަށަށް ތަރައްގީ ގެނެވޭނީ ސަރުކާރަށް އެއްބާރުލުން ދީގެން ކަމަށް ގަބޫލުކުރާތީ ކަމަށެވެ.
ޕީއެންސީން ވަނީ ޝަހީމާގެ ނިންމުމަށް މަރުހަބާ ކިޔާ ޝުކުރު އަދާކޮށްފަ އެވެ.
އަލަށް އިންތިހާބުވީ ކައުންސިލަރުން ހުވާކުރާނީ އަންނަ މަހު އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
