ސަރ އެލެކްސް ފާގަސަން.. ފޮޓޯ: ގެޓީ އިމޭޖް
ސަރ އެލެކްސް ފާގަސަން.. ފޮޓޯ: ގެޓީ އިމޭޖް
ކުޅިވަރު 04 May 2026 | 00:26

ލެޖެންޑްރީ ފުޓްބޯޅަ ކޯޗް ސަރ އެލެކްސް ފާގަސަން ހާލު ދެރަވެ، ހޮސްޕިޓަލްގައި އެޑްމިޓްކޮށްފި

ފުޓްބޯޅަ ތާރީހުގައި އެންމެ ކާމިޔާބު ކޯޗުގެ ގޮތުގައި ގިނަ ބަޔަކު އެއްބަސްވާ، މެންޗެސްޓަރ ޔުނައިޓެޑްގެ ކުރީގެ ކޯޗް ސަރ އެލެކްސް ފާގަސަން ހާލު ދެރަވެ ހޮސްޕިޓަލްގައި އެޑްމިޓްކޮށްފިއެވެ.

ބީބީސީ ސްޕޯޓްސްއިން ބުނީ ލެޖެންޑަރީ ކޯޗް ފާގަސަން ހޮސްޕިޓަލްގައި އެޑްމިޓްކޮށްފައިވަނީ، ޕްރިމިއާ ލީގްގައި މިރޭ މެންޗެސްޓާ ޔުނައިޓެޑާއި ލިވަޕޫލް ބައްދަލުކުރި މެޗު ފެށުމުގެ ކުޑައިރުކޮޅެއް ކުރިން އޯލްޑް ޓްރެފޯޑުގައި ހުންނަވަނިކޮށް ހާލު ދެރަވެގެން ކަމަށެވެ.

އުމުރުން 84 އަހަރުގެ ފާގަސަން ހޮސްޕިޓަލަށް ގެންދިޔައީ ރައްކާތެރިކަމުގެ ފިޔަވަޅެއްގެ ގޮތުން ކަމަށާއި އެއީ އެމަޖެންސީ ހާލަތެއް ނޫން ކަމަށް އިނގިރޭސިވިލާތުގެ ބައެއް މީޑިއާތަކުން ބުނެއެވެ. ފާގަސަން ހޮސްޕިޓަލަށް ގެންގޮސްފައިވަނީ އޯލްޑް ޓްރެފޯޑުގެ ޓަނަލް ސަރަހައްދުން އެމްބިއުލާންސެއްގައެވެ. ހޮސްޕިޓަލަށް ގެންދިޔަ ފަހުން އޭނާގެ ހާލަތާ ބެހޭ އިތުރު މަޢުލޫމާތެއް ހާމަކޮށްފައެއް ނުވެއެވެ. ނަމަވެސް ފާގަސަން ވަރަށް އަވަހަށް ގެއަށް ވަޑައިގެންނެވޭ ވަރުވާނޭކަމަށް ހަބަރުތައް ބުނެއެވެ.

މެޗު ފެށުމުގެ ދެ ގަޑިއެއްހާ އިރު ކުރިން ފާގަސަން ސްޓޭޑިއަމްގައި މެހެމާނުންނާ އެކު ހުންނެވި ފޮޓޯ ފެނިފައިވެއެވެ. ކޮންސަލްޓަންޓް ކާޑިއޮލޮޖިސްޓެއް ކަމަށްވާ ޑރ. އަސީމް މަލޯތުރާ، ފާގަސަންއާ އެކު ނެންގެވި ފޮޓޯއެއް އެކްސްގައި ހިއްސާކުރައްވައި ލިޔުއްވީ މެޗުގެ ކުރިން ފާގަސަންއާ އެކު ވަގުތުކޮޅެއް ހޭދަކުރެއްވުމުގެ ފުރުސަތު ލިބިވަޑައިގަތުމަކީ ޝަރަފެއް ކަމަށެވެ.

ޕްރިމިއާ ލީގްގައި މިރޭ މެންޗެސްޓަރ ޔުނައިޓެޑާ ލިވަޕޫލް ބައްދަލުކުރިމެޗް ޔުނައިޓެޑު ކާމިޔާބުކުރީ 3-2 ގެ ނަތީޖާއަކުންނެވެ. މެޗަށްފަހު ޔުނައިޓެޑްގެ ހެޑް ކޯޗް މައިކަލް ކެރިކް ބުނީ، އުއްމީދަކީ ވީހާވެސް އަވަހަށް ރަނގަޅުވެ ސަރ އެލެކްސް ފާގަސަން ހޮސްޕިޓަލުން ދޫކޮށްލުން ކަމަށެވެ. ކެރިކަކީ 2006 ވަނަ އަހަރު ފާގަސަން ސްޕާސްއިން ޔުނައިޓެޑަށް ގެނައި ކުޅުންތެރިއެކެވެ.

ސަރ އެލެކްސް ފާގަސަން ވަނީ ޔުނައިޓެޑްގެ ކޯޗެއްގެ ގޮތުގައި 27 އަހަރު ހޭދަކޮށް އެ ކްލަބަށް ގިނަ ކާމިޔާބީތަކެއް ހޯއްދައިދީފައެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.