އިސްރާއީލްގެ އެންމެ ޤަދަރުވެރި މެޑަލް މޯދީއަށް އަރުވައިފި
ލިޔުންތެރިޔާ
އަބްދުﷲ ހުސައިން
އިސްރާއީލްގެ އެންމެ ޤަދަރުވެރި މެޑަލް އިންޑިއާގެ ބޮޑުވަޒީރު ނަރެންދުރަ މޯދީއަށް ރޭ އަރުވައިފިއެވެ.
އިސްރާއީލްގެ އެންމެ ޝަރަފްވެރި މި މެޑަލް މޯދީއަށް އަރުވާފައިވަނީ، މޯދީ އިސްރާއީލަށް ކުރައްވަމުން ގެންދަވާ ދަތުރުފުޅުގެ ތެރެއިން ޤާނޫނު ހަދާ މަޖިލީހުގައި ކުރިއަށްދިޔަ ރަސްމިއްޔާތެއްގައެވެ. މިއީ ޔަހޫދީ ދައުލަތަށް މޯދީ ކުރައްވަމުންގެންދަވާ ހިދުމަތުގެ އަގު ވަޒަންކުރުމުގެ ގޮތުން އެރުވި މެޑައްޔެކެވެ.
މި ރަސްމިއްޔާތުގައި މޯދީ ވަނީ ޤާނޫނު ހަދާ މަޖިލީހުގެ ތަޅުމުގައި ތަގްރީރުކުރައްވާފައެވެ. މޯދީ ވަނީ ކުރިއަށް އޮތްތަނުގައިވެސް އިންޑިއާއިން އިސްރާއީލްގެ ދައުލަތާއެކު ވީހާލެއްގައި ވާނޭކަމުގެ ޔަގީންކަންދެއްވާފައެވެ. މޯދީގެ ތަގުރީރުގައި 2023 ވަނަ އަހަރުގެ އޮކްޓޯބަރުމަހުގެ 7 ވަނަ ދުވަހު އިސްރާއީލަށް ދިން ހަމަލާ ކުށްވެރިކޮށް، އެޤައުމާއެކު އޮތްކަމަށް ވަނީ ފާަހގަކުރައްވާފައެވެ.
މޯދީ އިސްރާއީލަށް ކުރައްވަމުން ގެންދަވާ ދެ ދުވަހުގެ ރަސްމީ ދަތުރުފުޅުގެ ތެރެއިން މިއަދު ވަރަށް މުހިންމު އެއްބަސްވުންތަކުގައި ސޮއިކުރުމަށް ހަމަޖެހިފައިވާަކަމަށް އިސްރާއީލްގެ ނޫސްތަކުން ވަނީ ބުނެފައެވެ. މީގެ ތެރޭގައި އެންމެ ފާހަގަކޮށްލެވެނީ ހަތިޔާރާ އަދި ޓެކްނޮލޮޖީ ބަދަލުކުރުމާ ގުޅޭ އެއްބަސްވުންކަމަށް މީޑިއާތަކުން ވަނީ ފާހަގަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
