ގްރީސް އަތުން ޖަރުމަނު ބަލިވެއްޖެ

ޔުއެފާ ނޭޝަންސްލީގް އޭ ދެވަނަ ގްރޫޕްގައި ރޭ ޖަރުމަނުވިލާތާއި ގްރީސް ބައްދަލުކުރިމެޗް ކުރިން ހީކުރިގޮތާ ހިލާފަށް ގްރީސް ކާމިޔާބުކޮށްފިއެވެ.

ޖަރުމަނުގައި ކުޚުނު މިމެޗް ގްރީސް ކާމިޔާބުކުރީ 1-0 ގެ ނަތީޖާއިންނެވެ. މިމެޗްގައި ފެނިގެންދިޔަ ހަމައެކަނި ލަނޑު ޖަާފައިވަނީ 74 ވަނަ މިނެޓްގެ ތެރޭގައި ޑިމިޓްރިއޯސް ކޯބެލިސް އެވެ.

މެޗްގައި ޖަރުމަނުވިލާތަށް ލަނޑެއް ނުޖެހުނުނަމަވެސް އެޓީމަށް ވަނީ ނަތީޖާ ބަދަލުކޮށްލާނެ ރަނގަޅު ފުރުސަތުތައް ލިބިފައެވެ. މެޗްގެ ފުރަތަމަހާފްގެ 25 ވަނަ މިނެޓުގައި ޖަރުމަނަށް ލަނޑު ޖަހާނެ ރަނގަޅު ފުރުސަތެއް ލިބުނު ނަމަވެސް، ކެވިން ޝޭޑް ފޮނުވާލި ނުރައްކާތެރި ހުރަސް ޔޫނުސް އެބްނޫތާލިބަށް ގޯލާ އަމާޒުކޮށްލެވޭ ގޮތެއް ނުވިއެވެ. މެޗް ޖަރުމަނުން ކޮންޓްރޯލް ކުރިއިރު ދެވަނަ ހާފްގައިވެސް އެޓީމަށް ލަނޑުޖަހާނެ ފުރުސަތުތައް ލިބުނެވެ. އެބްނޫތާލިބް އާއި ކިމިކް ފޮނުވާލި ހަމަލާތައް ގްރީސްގެ ކީޕަރު ވަނީ ވަރަށް ހުޝިޔާރުކަމާއެކު ދިފާއުކޮށްފައެވެ.

މެޗަށްފަހު ވާހަކަދައްކަމުން ޖަރުމަނުގެ ކޯޗް ކްލޮޕް ބުނީ ޓީމާ ހަވާލުވުމަށްފަހު ވަގުތުން ކާމިޔާބީތަކެއް ހޯދައިދޭނެ ކަމުގެ ވައުދު ނުވާނެކަމަށާއި، މި ނަތީޖާއިން އެނގިގެންދަނީ ޓީމާއެކު އަދި ކުރަންޖެހޭ މަސައްކަތްތައް ބައިވަރު ހުރިކަން ކަމަށެވެ.

މި މެޗަށްފަހު ޖަރުމަނު މިހާރު އުޅެނީ އެއް ޕޮއިންޓާއެކު ތާވަލްގެ ތިންވަނާގައެވެ. މުބާރާތުގައި ޖަރުމުވިލާތް ދެން ނިކުންނާނީ ސާބިއާ ދެކޮޅަށެވެ.