ސްކޫލް ދޮށަށް ކުދިން ބަލާގޮސް ތިއްބައި، ހިޔާ ޓަވަރުން އާފަލު އުކައިފި
ލިޔުންތެރިޔާ
އަބްދުﷲ ހުސައިން
ސަލާހުއްދީން ސްކޫލް ދޮށަށް މިއަދު ހަވީރު ކުދިން ބަލައިގޮސް ތިއްބައި ހިޔާ ދެވަނަ ޓަވަރު އެޕާޓްމަންޓަކުން އާފަލު އުކައިފިއެވެ.
އެވަގުތު އެތަނުގައި ހުރި މީހަކު ވޮއިސްއަށް މައުލޫމާތު ހިއްސާކުރަމުން ބުނީ، އާފަލު އުކީ ހިޔާ ދެވަނަ ޓަވަރުގެ މަތީ ކޮންމެވެސް ފަންގިފިލައަކުން ކަމަށެވެ. ނަމަވެސް އާފަލު އުކި ފަންގިފިލައެއް ސާފެއް ނުވެއެވެ.
މިހާދިސާގައި އެއްވެސް މީހަކަށް ގެއްލުމެއް ނުވިނަމަވެސް ބައެއް މީހުންނަށް، އެވަގުތުގެ ގޮތުން ވަރަށްބޮޑު ނުތަނަވަސްކަމެއް ކުރިމަތިވިކަމަށް އެމީހުންގެ މޫނުމަތިން ދޭހަވިކަމަށް އޭނާ ބުންޏެވެ.
"ބޮޑަށް ބެލެވެނީ އެއީ އެއްލި އެއްޗެއް ކަމަށް. ގިނަ ބެލެނިވެރިންވެސް ބުނީ އެއީ ސީދާ އެއްލިއެއްޗެކޭ. އެގަޑިއަކީ ބެލެނިވެރިން ކުދިން ސްކޫލަށް ކުދިން ބަލައި ގޭޓް ތެރެއިން ވަދެގެންދިޔަ ވަގުތު. ނަސީބެއް ކުދިން ނެރުނު ގަޑިއާ ދިމާނުވިކަން އެހެންނޫނީ ކުއްޖެއްގެ ގައިގަ ޖެހުމުގެ ފުރުސަތު ވަރަށްބޮޑުވީސް" އެމީހާ ބުންޏެވެ.
ހިޔާ ޓަވަރުން އެއްޗެހި ވެއްޓުމާއި އުކުމަކީ އާއްމު ކަމެކެވެ. ހިޔާ ޓަވަރުމަތިން އެއްޗެހި ވެއްޓުމުގެ ހާދިސާގައި ބޮޑެތި ގެއްލުންތައް ލިބިފައިވާއިރު، މިފަދަ ބައެއް ހާދިސާތަކުގައި ވަރަށް ނުރައްކާތެރި ހާލަތަށް ގޮސްފައިވެސް އެބަހުއްޓެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
