ކްލަބް ބްރޫޖާއިން ބާސެލޯނާ ހިފަހައްޓައިފި

ޔުއެފާ ޗެމްޕިއަންސްލީގްގައި ރޭ ބެލްޖިއަމްގެ ކްލަބް ބްރޫޖާއިން ސްޕެއިންގެ ބާސެލޯނާ މޮޅުވިޔަނުދީ ހިފަހައްޓައިފިއެވެ.

ބެލްޖިއަމްގައި ކުޅުނު މިމެޗް ނިމުނީ 3-3 ގެ ނަތީޖާއަކުން ދެޓީމް އެއްވަރުވެގެންނެވެ. ރޭގެ މެޗްގައި އެންމެ ފުރަތަަމަ ލަނޑެއް ޖަހައި ކުރިހޯދީވެސް ބްރޫޖާއިންނެވެ. އެއީ މެޗް ފަށައިގެން 6 ވަނަ މިނެޓް ތެރޭގައި ޓްރެސޮލްޑީ ކާމިޔާބުކޮށްދިން ލަނޑުންނެވެ. ބްރޫޖާއިން ލީޑް ނަގާފައިވަނިކޮށް ބާސެލޯނާގެ ޓޯރޭޒް ވަނީ އޭގެ އެއްމިނެޓް ފަހުން ލަނޑެއް ޖަހައި މެޗްގެ ނަތީޖާ ހަމަހަމަކޮށްފައެވެ. އޭގެ 9 މިނެޓް ފަހުން ބްރޫޖާގެ ފޯބްސް ވަނީ ލަނޑެއް ޖަހައި ދެވަނަ ފަހަރަށް އެޓީމަށް ލީޑް ނަގައިދީފައެވެ. މެޗްގެ ފުރަތަމަ ހާފް ނިމުނީ ބްރޫޖާ ކުރީގައި އޮވެގެންނެވެ.

މެޗްގެ ދެވަނަ ހާފް ކުޅުން ފަށައިގެން ބާސެލޯނާއިން ވަނީ ކުޅުން ރަނގަޅުކޮށް 61 ވަނަ މިނެޓް ތެރޭގައި އަނެއްކާވެސް މެޗް އެއްވަރުކޮށްފައެވެ. މި ލަނޑު ކާމިޔާބުކޮށްދިނީ ޔަމާލް އެވެ. ބާސެލޯނާ މެޗް އެއްވަރުކުރިތާ ދެމިނެޓް ނުވެ އުޅެނިކޮށް ފޯބްސް ވަނީ އިތުރު ލަނޑެއް ޖަހައި މެޗުން މޮޅުވުމުގެ އުއްމީދު އައުކޮށްދީފައެވެ. ނަމަވެސް މެޗުން ބްރާޖާ މޮޅުވުމަށް ކުރި އުއްމީދު ގެއްލުނީ 77 ވަނަ މިނެޓް ތެރޭގައި ޒޮލިސް އަތުން ބައިކޮޅަށްވަތް ގޯލުންނެވެ.

މެޗަށްފަހު ވާހަކަދައްކަމުން ބާސެލޯނާގެ ކޯޗު ހެންސީ ފްލިކް ބުނީ 3-3 ގެ ނަތީޖާއަކީ އޭނާގެ ޓީމަށް ފަރުޖައްސާލެވޭފަދަ ނަތީޖާއެއް ނޫންކަމަށާއި، މެޗްގައި ބްރޫޖާއިން ވަރަށް ރަނގަޅަށް ކުޅެފައިވާކަމަށެވެ. ބާސެލޯނާގެ ޑިފެންސް ރަނަގޅުކުރަންޖެހޭކަން ފާހަގަކުރަމުން ކޯޗް ބުނީ ކުރިއަށް އޮތްތަނުގައި އެކަމަށް އިސްކަންދޭނޭކަމަށެވެ.