މަޖިލީހަށް ކުރިމަތި ލައްވާ ދެވަނަ މިނިސްޓަރަކަށް އާދަމް ޝަރީފް
ލިޔުންތެރިޔާ
ޝަފްރާޒް އަހްމަދު
ކުރިއަށް އޮތް ރައްޔިތުންގެ މަޖިލީހަށް ކުރިމަތި ލުމުގެ ޝައުގު ގިނަ ސިޔާސީ ފަރާތްތަކަކުން ދަނީ ފާޅުކުރައްވަމުންނެވެ.
އޭގެތެރޭގައި އިދިކޮޅު ލީޑަރުންގެ ވަކީލުންނާއި، ކުރީ ސަރުކާރު ތަކުގައި އިސް މަޤާމުތަކުގައި ހަރަކާތްތެރިވެފައިވާ ފަރާތްތައް ހިމެނިވަޑައިގަންނަވައެވެ.
އެގޮތުން މި ސަރުކާރުގެ މިނިސްޓަރުން ވެސް މިވަނީ ކުރިއަށް އޮތް މަޖިލިސް އިންތިހާބުގައި ވާދަކުރައްވާނެކަމަށް އިއުލާން ކުރައްވާފައެވެ.
އެގޮތުން މިހާތަނަށް ދެ މިނިސްޓަރަކު މިވަނީ މަޖިލިސް ގޮނޑިއަށް ކުރިމަތިލައްވާނެކަމަށް އިއުލާން ކުރައްވާފައެވެ.
އެއީ ހައުސިންގ މިނިސްޓަރ ޑރ. މުއިއްޒުގެ އިތުރުން ޑިފެންސް މިނިސްޓަރ އާދަމް ޝަރީފް އުމަރެވެ.
މިނިސްޓަރ އާދަމް ޝަރީފް މިކަން އިއުލާން ކުރައްވާފައިވަނީ ރައީސް ޔާމީންގެ ސަރުކާރުގެ 5 އަހަރުގެ ދައުރުގައި ޑިފެންސް މިނިސްޓްރީން ކޮށްދެއްވާފައި ހުރި ބައެއް ކަންތައްތަކާއި ގުޅޭގޮތުން މިއަދު އެމްއެންޑީއެފް ކޯސްޓް ގާޑް ބިލްޑިންގ ގައި ބޭއްވި ނޫސްވެރިންގެ ބައްދަލުވުމުގައި ނޫސްވެރި އަކު ކުރެއްވި ސުވާލަކަށް ޖަވާބު ދެއްވަމުންނެވެ.
"ކޮންމެ ދިވެެއްސަކުވެސް ގައުމަށް ހިދުމަތް ކުރުމަކީ ކުރަން ޖެހޭނެ ކަމެއް. އިރާދަކުރެއްވިޔާ ރައީސް ޔާމީންގެ މި ދައުރު ނިމުމުން ދެން އަންނަ ސަރުކާރެއް ޒިންމާދާރު ކުރުމަށް މަޖިލިސް މެންބަރެއްގެ ގޮތުގައި އަޅުގަނޑު ރައްޔިތުންނަށް ހިދުމަތް ކުރާނަން" މިނިސްޓަރ ޝަރީފް ވިދާޅުވިއެވެ.
މިނިސްޓަރ އާދަމް ޝަރީފްއަކީ ރައީސް ޔާމީން ކެބިނެޓްގައި ހިމެނި ވަޑައިގަންނަވަވާ އެމަނިކުފާނާ ގާތް ބޭފުޅުއްކަން ވެސް ފާހަގަކޮށްލަން ޖެހެއެވެ.
ބެލެވޭ ގޮތުގައި މިނިސްޓަރ އާދަމް ޝަރީފް ކުރިމަތި ލައްވާނީ ރ އަތޮޅުގެ އިދާރާއަކަށެވެ. އާދަމް ޝަރީފަކީ ރ. ފައިނަށް ނިސްބަތްވާ ބޭފުޅެކެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
