ގައުމީ އެއާލައިނުން ކުޑަހުވަދުއަށް ޝެޑިއުލް ދަތުރުތައް ފަށައިފި

ގައުމީ އެއާލައިން -- މޯލްޑިވިއަން އިން ކުޑަހުވަދުއަށް ޝެޑިއުލް ދަތުރުތައް ރަސްމީކޮށް މިއަދު ފަށައިފި އެވެ.

ކުޑަހުވަދޫގައި އޮންނަ ދާލު އެއާޕޯޓަކީ އަމިއްލަ ކުންފުންޏެއްގެ އެއާޕޯޓެކެވެ. އެ އެއާޕޯޓަށް އުދުހެނީ އެއާޕޯޓް ހިންގާ އަމިއްލަ އެއާލައިނެއް ކަމަށްވާ މަންތާ އިންނެވެ. ނަމަވެސް މަންތާގެ ދަތުރުތައް މިހާރު ވަނީ މަދުކޮށްފަ އެވެ. އަދި މުޅި އޮޕަރޭޝަން ހުއްޓުމަކަށް ގެނެސް އެ އެއާލައިން ހުއްޓާލަން ނިންމާފައިވާ ކަމަށް ވެ އެވެ.

އެހެން ކަމުން މަންތާއާ މޯލްޑިވިއަން ދެމެދު ވެވުނު އެއްބަަސްވުމެއްގެ ދަށުން ޝެޑިއުލް ދަތުރުތައް ފަށަން ނިންމާ މިއަދު ވަނީ އެ އޮޕަރޭޝަން ރަސްމީކޮށް ފަށާފަ އެވެ.

މޯލްޑިވިއަންގެ ފުރަތަމަ ފްލައިޓަށް ދާލު އެއާޕޯޓުން ވަނީ މަރުހަބާ ކިޔާފަ އެވެ.

މޯލްޑިވިއަން އިން ކުޑަހުވަދުއަށް ޝެޑިއުލް ދަތުރުތައް ފެށިއިރު ޕްރޮމޯޝަނަލް ފެއާގައި 1,111ރ އަށް ޓިކެޓް ލިބޭނެ އެވެ.