ކުޑަހުވަދޫ ބޮޑު އީދު ފުޓްސަލް ޗެލެންޖް ފައިނަލުގެ ޖާގައެއް ޑްރީމް އެފްސީ ހޯދައިފި

ދ. ކުޑަހުވަދޫގައި ކުރިއަށްދާ ކުޑަހުވަދޫ ބޮޑު ޢީދު ފުޓްސަލް ޗެލެންޖް 1447 ގެ ފައިނަލުގެ ފުރަތަމަ ޖާގަ ޑްރީމް އެފްސީން ހޯދައިފިއެވެ.

މުބާރާތުގެ ފައިނަލުގެ ޖާގައެއް ޑްރީމުން ހޯދާފައިވަނީ މިރޭ ސެމީފައިނަލްގެ ފުރަތަމަ މެޗްގައި ރޯޔަލް ސިޓީ އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. މިމެޗް ޑްރީމުން ކާމިޔާބުކުރީ 3-1 ގެ ނަތީޖާއަކުންނެވެ. މިމެޗްގައި ޑްރީމަށް ލަނޑުތައް ކާމިޔާބުކޮށްދިނީ، އަލީ ފަހުމީ، ލޫތު ހުސައިންގެ އިތުރުން އަހުމަދު އާޖިލެވެ.

މެޗްގައި ރޯޔަލް ސިޓީއަށް ސުންކަނޑުވާލަދިނީީ އަލީ ޝަމާލް އެވެ. މިމެޗްގެ މޮޅުކުޅުންތެރިޔާގެ މަގާމް ހޯދީ، އަޒުހަރު އާދަމެވެ.

އޭނާ ވަނީ މެޗުގައި މޮޅު ކުޅުމެއް ދައްކައި ޓީމު ފައިނަލަށް ގެންގޮސްދިނުމުގައި މުހިންމު ދައުރެއް އަދާކޮށްފައެވެ.

މި މޮޅާ އެކު ޑްރީމް އެފްސީ ވަނީ މުބާރާތުގެ ފައިނަލުން ޖާގަ ކަށަވަރުކޮށްފައެވެ.