ކުރީގެ ގަވަރނަރ އަޒީމާ އޭސީސީއަށް ހާޒިރުކުރަނީ
ލިޔުންތެރިޔާ
ޝަފްރާޒް އަހްމަދު
ދިވެހިރާއްޖޭގެ މަރުކަޒީ ބޭންކް ކަމަށްވާ މޯލްޑިވްސް މަނިޓަރީ ބޭންކް (އެމްއެމްއޭ) ގެ ގަވަރނަރ ކަމުގެ މަގާމުގަައި ކުރިން ހުންނެވި ޑރ. އަޒީމާ އާދަމް، އެންޓި-ކޮރަޕްޝަން ކޮމިޝަން (އޭސީސީ)އަށް ހާޒިރުވުމަށް އަންގައިފިއެވެ.
މައުލޫމާތު ލިބިފައިވާ ގޮތުގައި އަޒީމާ އޭސީސީއަށް ހާޒިރުކުރަނީ އެމްއެމްޕީއާރްސީގެ ބޮޑު ޚިޔާނާތުގައި، އެމްއެމްއޭގެ އޮތް ދައުރާއި މެދު ސުވާލު ކުރުމަށެވެ.
މީޑިޔާތަަކަށް މައުލޫމާތު ދެމުން އޭސީސީން ބުނީ ޕްރޮސެކިއުޓަރ ޖެނެރަލްގެ އޮފީހަށް މައްސަލަ ފޮނުވުމުގެ ކުރިން، އޮންނަ އުސޫލުގެ މަތިން ބައެއް ފަރާތްތަކުގެ ބަޔާންތައް އެ ކޮމިޝަނުން ނަގާނެކަމަށެވެ. މި މައްސަލައިގައި މީގެ ކުރިންވެސް ވަނީ ގިނަ ފަރާތްތަކެއްގެ ބަޔާން ނަގާފައެވެ.
ޑރ. އަޒީމާ މި މަހުގެ ތެރޭގައި އޭސީސީއަށް ހާޒިރުވުމަށް އަންގާފައިވާއިރު، އެކަމަނާ މިވަގުތު ދިރިއުޅުއްވަމުން ގެންދަވަނީ އެމެރިކާގައެވެ. އެމްއެމްއޭގެ ގަވަރނަރ ކަމުގެ މަގާމުން އެކަމަނާ އިސްތިއުފާ ދެއްވުމަށްފަހު އެމެރިކާއަށް ދިރިއުޅުން ބަދަލުކުރެއްވީ، އެކަމަނާގެ ފިރިކަލުން އަލީ ނަސީރަކީ ރާއްޖެއިން އދ. އަށް ކަނޑައަޅުއްވާފައި ހުންނަވާ ދާއިމީ މަންދޫބުގެ މަގާމު ލިބިވަޑައިގަތުމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
