ސްމާޓް މީޓަރާއެކު ޕާކިސްތާނުގައި ކަރަންޓް ބިލަށް ވާނުވާ ނޭނގުން ނިމުމަކަށް
ޕާކިސްތާނުގެ ސަރުކާރުން އައު ޕަވަރ ސްމާޓް މޯބައިލް އެޕެއް، އަޕްނާ މީޓަރ، އަޕްނީ ރީޑިންގ ގެ ނަމުގައި ތަޢާރަފްކޮށްފިއެވެ.
ޕާކިސްތާނުގެ ސަރުކާރުން މި އެޕް އެ ޤައުމަށް ތަޢާރަފްކުރުމުގެ މައިގަނޑު އެއް މަގުސަދަކީ، ދެފުށް ފެންނަ ހާމަކަން ބޮޑު ގޮތެއްގައި ކަރަންޓް ބިލް ކަސްޓަމަރުންނާއި ހަމައަށް ފޯރުކޮށް ދިނުމާއި، މަހުން މަހަށް މީޓަރު ކޮންޓްރޯލްކުރުމުގެ ބާރު ރައްޔިތުންނަށް ދިނުމެވެ.
ފާހަގަކޮށްލަންޖެހޭ ގޮތުގައި މި އެޕަކީ އެ ޤައުމުގެ ފެނާއި ކަރަންޓާއި ބެހޭ ވަޒީރު އަވައިސް އަޙްމަދު ޚާންގެ ލީޑަރޝިޕްގައި، ޕަވަރ ޑިވިޝަނުން އުފައްދާފައިވާ އެޕެކެވެ. މި އެޕް ރަސްމީކޮށް އިފްތިތާހުކޮށްދެއްވީ ޕާކިސްތާނުގެ ބޮޑުވަޒީރު ޝެހެބާޒް ޝަރީފް އެވެ.
ޕާކިސްތާނުގެ ފެނާއި ކަރަންޓާއި ބެހޭ ވަޒީރު އަވައިސް އަޙްމަދު ޚާން ވިދާޅުވެފައިވާ ގޮތުގައި މި އޮޕް ތަޢާރަފްކޮށް މިފަދަ ބޮޑެތި ފިޔަވަޅުތަކެއް އަޅަން ނިންމާފައިމިވަނީ އޯވަރބިލް ކުރުމާއި، ރީޑިންގ ލަސްވުން ނުވަތަ ރީޑިންގ ތެދު ނުވުންފަދަ މައްސަލަތަކުން ދުރުހެލިވުމަށްޓަކައެވެ.
30 މިލިއަނަށް ވުރެ ގިނަ ކަސްޓަމަރުންނަށް ޚިދުމަތް ދިނުމަށް ތިން ބިލިއަން ޑޮލަރު ހޭދަވާނެ ކަމަށް ލަފާކޮށް ފެނާއި ކަރަންޓާއި ބެހޭ ވަޒީރު ވަނީ އެޑްވާންސްޑް މީޓަރިން އިންފްރާސްޓްރަކްޗަރ ޕާކިސްތާނުގައި ތަޢާރަފްކޮށް އިންވެސްޓް ކުރުމަށް ބައިނަލްއަގުވާމީ ބައިވެރިންނަށް ދަޢުވަތު ދެއްވާފައެވެ.
ޕާކިސްތާނުގެ ފެނާއި ކަރަންޓާއި ބެހޭ ވަޒީރު އަވައިސް އަޙްމަދު ޚާން އިތުރަށް ވިދާޅުވީ މި އެޕްއަކީ ސަބްސިޑައިޒްޑް ކަސްޓަމަރުންނަށް ފައިދާ ހުރި އެޕައަކަށް ވެގެން ދާނެކަމަށެވެ. އަދި ކުރިއަށް އޮތްތަނުގައި މިފަދަ އެތަކެއް ފަސޭހަތަކެއް ޕާކިސްތާނުގެ ރައްޔިތުންނަށް ފަހިކޮށްދޭނެ ކަމަށެވެ.
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
