އާޖެންޓީނާ އާއި ބުރުކީނާ ފާސޯ ބައްދަލުކުރިމެޗްގެ ތެރެއިން.. ފޮޓޯ: އާޖެންޓީނާ ޤައުމީޓީމް
އާޖެންޓީނާ އާއި ބުރުކީނާ ފާސޯ ބައްދަލުކުރިމެޗްގެ ތެރެއިން.. ފޮޓޯ: އާޖެންޓީނާ ޤައުމީޓީމް
ކުޅިވަރު 04 Oct 2026 | 09:03

ބުރުކީނާ ފާސޯ އަތުން އާޖެންޓީނާއަށް ފަސޭހަމޮޅެއް

ބައިނަލްއަޤްވާމީ ރަހުމަތްތެރިކަމުގެ މެޗެއްގައި އާޖެންޓީނާ އާއި ބުރުކީނާ ފާސޯ ބައްދަލުކުރިމެޗް، ފަސޭހަކަމާއެކު އާޖެންޓީނާ ކާމިޔާބުކޮށްފިއެވެ.

އާޖެންޓީނާގެ ބިއުނަސް އައިރީސްގައި ކުޅުނު ކުޅުނު މިމެޗް އެޓީމުން ކާމިޔާބުކުރީ 7-0 ގެ ނަތީޖާއިންނެވެ. މި މެޗުގެ ފުރަތަމަ ހާފު ފެށިގެން ވަރަށް ކުރީކޮޅު އާޖެންޓީނާއިން ވަނީ މެޗުގެ ކޮންޓްރޯލް ހޯދާފައެވެ. އެގޮތުން މެޗުގެ ހަތަރު ވަނަ މިނެޓުގައި ލިބުނު ޕެނަލްޓީއަކުން ލައުޓާރޯ މާޓިނޭޒް ވަނީ ޓީމަށް ލީޑު ނަގައިދީފައެވެ. މާޓިނޭޒް ފޮނުވާލި ޕެނަލްޓީ ބުރުކީނާ ފާސޯގެ ކީޕަރު ދިފާއުކުރި ނަމަވެސް، ރީބައުންސްވި ބޯޅަ އޭނާ ވަނީ ގޯލުގެ ތެރެއަށް ފޮނުވާލާފައެވެ. އޭގެ ހަތަރު މިނެޓު ފަހުން ބުރުކީނާ ފާސޯގެ މޫމޫނީ ޑިއާލޯ އަތުން ބައިކޮޅަށް ވަން ލަނޑާއެކު އާޖެންޓީނާއަށް ވަނީ ދެ ލަނޑުގެ ލީޑެއް ލިބިފައެވެ.

އާޖެންޓީނާ އާއި ބުރުކީނާ ފާސޯ ބައްދަލުކުރިމެޗްގެ ތެރެއިން.. ފޮޓޯ: އާޖެންޓީނާ ޤައުމީޓީމް

މެޗުގެ 12 ވަނަ މިނެޓުގައި ޒުވާން ކުޅުންތެރިޔާ ޖިއަންލޫކާ ޕްރެސްޓިއާނީ ވަނީ އާޖެންޓީނާގެ ތިންވަނަ ލަނޑު ކާމިޔާބުކޮށްދީފައެވެ. މިއީ އޭނާ ގައުމީ ޓީމަށް ކާމިޔާބުކޮށްދިން ފުރަތަމަ ލަނޑެވެ. ބުރުކީނާ ފާސޯއަށް މި މެޗުގައި އެދެވޭ ކުޅުމެއް ނުދެއްކުނު މައިގަނޑު ސަބަބަކީ ދަތުރުފަތުރުގެ ދަތިތަކާ ހުރެ މެޗު ފެށެން ކުޑަވަގުތުކޮޅަކަށް ވެފައި ވަނިކޮށް ދަނޑަށް ދެވުމުންނެވެ. މީގެ އިތުރުން މި މެޗަށް ނިކުމެފައިވަނީ ބުރުކީނާއިން ނިކުތީ 23 އަހަރުން ދަށުގެ ސްކޮޑަކާއެކުގައެވެ.

ފުރަތަމަ ހާފެކޭ އެއްގޮތަށް ދެވަނަ ހާފުގައިވެސް އާޖެންޓީނާގެ ފަރާތުން ފެނުނީ ވަރުގަދަ ކުޅުމެކެވެ. މެޗުގެ 57 ވަނަ މިނެޓުގައި ފްރެންކޯ މަސްޓަންޓުއޯނޯ އޭނާގެ ފުރަތަމަ ގައުމީ ލަނޑު ކާމިޔާބުކުރިއިރު، މެޗުގެ ފުރިހަމަ ވަގުތު ހަމަވެގެން ކުޅުނު އިތުރު ވަގުތުގައި ޖޫލިއާނޯ ސިމިއޯނީ ވަނީ އާޖެންޓީނާގެ ފަހު ލަނޑު ޖަހައިދީ، މެޗުގެ ނަތީޖާ ކަށަވަރުކޮށްދީފައެވެ.

މި މެޗުގައި ދުނިޔޭގެ އެންމެ މޮޅު ކުޅުންތެރިޔާ ލިއޮނަލް މެސީ ފެނިގެން ގޮސްފައެއް ނުވެއެވެ. މެސީ އާޖެންޓީނާގެ ޖާޒީގައި ކުޅޭނެ އެންމެ ފަހު މެޗަކީ އަންގާރަ ދުވަހު ބެނިންއާ ދެކޮޅަށް މޮނިއުމެންޓަލް ސްޓޭޑިއަމްގައި ކުޅޭ މެޗެވެ. އެ މެޗަކީ ކެޕްޓަން މެސީ ގައުމީ ޓީމަށް އަލްވަދާއު ކިޔުމަށްޓަކައި ހާއްސަކޮށް ތައްޔާރުވަމުންދާ މެޗެކެވެ

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟
19 Nov 2026 ކުޅިވަރު

ސްކަލޯނީގެ ކޯޗިން ސްޓާފުންގެ ތެރެއިން މެސީ ފެނިދާނެތަ؟

އާޖެންޓީނާގެ އެސިސްޓަންޓް ކޯޗު ވޯލްޓާ ސެމިއުލް، އަމިއްލަ ކޯޗިން ކެރިއަރެއް ފެށުމަށްޓަކައި މަގާމުން ވަކިވާން ނިންމުމާއެކު، އެ މަގާމަށް މެސީ އަތުވެދާނެތޯ ގިނަ ބަޔަކު ސުވާލު އުފެއްދިއެވެ. މިކަމާ ގުޅޭގޮތުން ނޫސްވެރިއަކު ކުރި ސުވާލަކަށް ޖަވާބު ދެމުން ސްކަލޯނީ ސަމާސާ ގޮތަކަށް ބުނީ، މެސީ ބޭނުންނަމަ އެ ފުރުސަތު އޭނާއަށް އަބަދުވެސް އޮންނާނެ ކަމަށެވެ