ޗެމްޕިއަންސްލީގް ކުއާޓާ ފައިނަލުގެ ޖާގައެއް ލިވަޕޫލަށް

ޔުއެފާ ޗެމްޕިއަންސްލީގް ކުއާޓާ ފައިނަލުގެ ޖާގައެއް އިނގިރޭސިވިލާތުގެ ލިވަޕޫލް ހޯދައިފިއެވެ.

މުބާރާތުގެ ކުއާޓާ ފައިނަލުގެ ޖާގައެއް ލިވަޕޫލް ހޯދާފައިވަނީ، ރޭ ތުރުކީގެ ގަލަތަސަރާއީ އާ ދެކޮޅަށް ކުޅުނުމެޗް ކާމިޔާބުކޮށްގެންނެވެ. އެންފީލްޑްގައި ކުޅުނު މިމެޗް ލިވަޕޫލް ކާމިޔާބުކުރީ 1-4 ގެ ނަތީޖާއަކުންނެވެ. މި ލެގްގައި ކުޅުނު ފުރަތަމަ މެޗް ގަލަތަސަރާއީން ކާމިޔާބުކޮށްފައިވާތީވެ، ރޭގެ މެޗަށް ލިވަޕޫލް ނިކުތީ ވަރަށްބޮޑަށް ތައްޔާރުވެގެންނެވެ.

ފޯރިގަދަ ކުޅުމެއް ފެނިގެންދިޔަ މި މެޗްގައި ލިވަޕޫލަށް ގޯލް ހުޅުވާލަދިނީ 25 ވަނަ މިނެޓް ތެރޭގައި ސޮބޮޒްލާއީ އެވެ. ފުރަތަމަ ހާފް ނިމުމުގެ ކުރިން ލިވަޕޫލަށް ލީޑް ފުޅާކުރުމަށް ރަނުގެ ފުރުސަތެއް ވަނީ ލިބިގެންގޮސްފައެވެ. ނަމަވެސް ސަލާ ޖެހި ޕެނަލްޓީ ވަނީ ކީޕަރު ދިފާއުކޮށްފައެވެ.

މެޗްގައި ފެނިގެންދިޔަ އިތުރު ލަނޑުތައް ލިވަޕޫލުން ޖަހާފައިވަނީ ފަހު ހާފްގައެވެ. ދެވަނަ ހާފްގައި ލިވަޕޫލްގެ ލަނޑުތައް ކާމިޔާބުކޮށްދިނީ، އެކިޓިކޭ، ގްރަވެންބަޗް، އެވެ. ފަހު ލަނޑު ކާމިޔާބުކޮށްދިނީ ސަލާ އެވެ.

ޔުއެފާ ޗެމްޕިއަންސްލީގް ކުއާޓާ ފައިނަލުގައި ލިވަޕޫލް ނިކުންނާނީ، މުބާރާތުގެ އެންމެ ފަހުގެ ޗެމްޕިއަން ފްރާންސްގެ ޕީއެސްޖީއާ ދެކޮޅަށެވެ.