ރައީސް ޔާމީނަށް ނާކާމިޔާބުވީ އަމިއްލަފުޅަށް ކުރެއްވި ކަންކަމުން- ރައީސް ނަޝީދު

ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްއަށް ނާކާމިޔާބީއާއި ކުރިމަތިވެވަޑައިގެންނެވި މައިގަނޑު ސަބަބަކީ ޚުދު އެމަނިކުފާނު އަމިއްލަފުޅަށް ކުރެއްވި ކަންތައްތައްކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރައީސް ނަޝީދު މިހެން ވިދާޅުވީ، ތިން އަހަރަށްފަހު މިއަދު ރާއްޖެ އެނބުރި ވަޑައިގެން މީޑިޔާތަކާއި ބައްދަލުކުރައްވާާ ދެއްކެވި ވާހަކަފުޅުގައެވެ.

އެމަނިކުފާާާނު ވިދާޅުވީ އެމަނިކުފާނު ގަސްތުކުރަނީ ކުރިއަށް އޮތް ތަނުގައި ރާއްޖޭގައި ހުންނަންކަމަށާއި،އެ މަނިކުފާނުގެ މައިގަނޑު އަމާޒަކަށް ވާނީ އިބޫގެ ސަރުކާރު ދަމަހައްޓައި، ގައުމުގެ ސިޔާސީ ހަމަޖެހުން ހިފެހެއްޓުން ކަމަށެވެ.

ނޫސްވެެރިން ކުރެއްވި ސުވާލުތަކަށް ޖަވާބުދެއްވަމުން ރައީސް ނަޝީދު ވިދާޅުވީ، މީގެ ކުރިން "ވީހާލެއްގައި ވާން" ރާއްޖެއަށް ނައިސް ހުރީ ރައީސް ޔާމީންގެ ވެރިކަން ބަދަލުކުރުމުގެ މަގުސަދުގައި ކަމަށެވެ.

"ކުރީގައި އަޅުގަނޑު ރާއްޖެ ނައި ރާއްޖެއިން ބޭރުގައި ހުރެގެން ސަރުކާރު ބަދަލުުކުރުމުގެ މަސައްކަތް ކުރެވޭނެތީވެ. ބޭރުގައި ހުރީ ރައީސް ޔާމީންގެ ވެރިކަން ބަދަލުކުރުމުގެ މަސައްކަތުގައި. ރައީސް ޔާމީންގެ ވެރިކަން ބަދަލުކުރުމަކީ އަޅުގަނޑުގެ މަގްސަދު. އެ މަގްސަދުގައި ރާއްޖެ އައުމަކީ އެހާ ބުއްދިވެރި ކަމަކަށް ނުވި"، ރައީސް ނަޝީދު ވިދާޅުވިއެވެ.

ރައީސް ނަޝީދު ވިދާޅުވީ އާ ސަރުކާރު ވެގެންދާނީ އެންމެ ގާބިލް ސަރުކާރަށްކަމަށާއި، ކޯލިޝަނަށް ލޮޅުމެއް އައިސްދާނެ ކަމަކަށް ގަބޫލެއް ނުކުރައްވާ ކަމަށެވެ. އަދި ކޯލިޝަންގެ ކަންކަން އޮމާންކަމާއެކީގައި ކުރިއަށް ގެންދެވޭނެކަމަށް އެމަނިކުފާާނު ވަނީ ވިދާޅުވެފައެވެ.