އައިޔޫއެމްގެ ޗާންސެލާގެ މަގާމުން ޑރ. ޝަހީމް އިސްތިއުފާ ދެއްވައިފި
ލިޔުންތެރިޔާ
ޝަފްރާޒް އަހްމަދު
ރައީސް އަބްދުﷲ ޔާމީންގެ ރަނިންމޭޓެއްގެ ގޮތުގައި ރިޔާސީ އިންތިހާބުގައި ވާދަ ކުރެއްވި ޑރ. މުހައްމަދު ޝަހީމް އަލީ ސައީދު، އިސްލާމިކް ޔުނިވާސިޓީ (އައިޔޫއެމް)ގެ ޗާންސެލާގެ މަގާމުން މިއަދު އިސްތިއުފާ ދެއްވައިފިއެވެ.
މިނިސްޓަރާ އެއްފެންވަރުގެ މަގާމެއް ކަމަށްވާ ޗާންސެލާގެ މަގާމުން ޑރ. ޝަހީމް އިސްތިއުފާ ދެއްވިކަން އިއުލާން ކުރައްވާ ކުރެއްވި ޓްވީޓްގައި އިތުރަށް ވިދާޅުވެފައިވަނީ މަގާމުން އިއިސްތިއުފާ ދެއްވިކަމުގައި ވީނަމަވެސް އިސްލާމް ދީނާއި، ދިވެހި ގައުމަށް ހިދުމަަތް ކުރުންމަތީ ދެމިހުރުމަކީ އަޒުމެއްކަމުގައެވެ.
IUM ge chancellor kamuge maqaamun dhemmeaku alhugandu isthiufaa dheefeemeve. Maqaameh gai nethas, islam dheenai dhivehi qaumaai islami ummathah khidhumai kurun mathee dhemihurumaki fahu neyvayah ves hayaathuge emme mathiveri azumeve.وما توفيقي إلا بالله عليه توكلت وإليه انيب pic.twitter.com/A4wpCcds78
— محمد شهيم علي سعيد (@Mohamedshaheem1) November 15, 2018
ޑރ. ޝަހީމް ވަނީ އައިޔޫއެމް އަށް އެތަައް ގިނަ ގުނަ ހިދުމަތްތަކެއް ކޮއްދެއްވާފައެވެ. އެގޮތުން ޔުނިވާސިޓީ އުފެއްދުމުގެ މަސައްކަތުގައި މިނިސްޓަރެއްގެ ހައިސިއްޔަތުން ގިނަ މަސައްކަތްތަކެއް ކުރައްވަމުން ޔުނިވާސިޓީ އުފެއްދުމަށް ހެދި ކޮމެޓީގެ ރައީސްކަންވެސް ޑރ. ޝަހީމް ކުރެއްވިއެވެ.
އައިޔޫއެމް އުފެއްދުމަށްފަހު އެ ޔުނިވާސިޓީގެ ވައިސް ޗާންސެލާގެ މަގާމާ ޑރ. ޝަހީމް ހަވާލުވެވަޑައިގަނެ ޔުނިވާސިޓީ ހިންގުމަށް ގިނަ މަސައްކަތްތަކެއް ކުރެއްވިއެވެ.
އަދި އޭރު ޗާންސެލާގެ މަގާމުގައި ހުންނެވި، ޑރ. ޒާހިރު ހުސެއިން މަގާމުން ވަކިކުރަން ރައީސް ޔާމީން ނިންމެވުމުން ވަގުތީ ޗާންސެލާގެ ގޮތުގައި ހަރަކާތްތެރި ވުމަށްފަހު ޗާންސެލާއަކަށް ޑރ ޝަހީމް އައްޔަނުކުރެވުނެވެ.
ޑރ. ޝަހީމަކީ ރައީސް ޔާމިންގެ ސަރުކާރުގެ ފުރަތަމަ އިސްލާމިކް މިނިސްޓަރުވެސް މެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
