ބްރެންޓްފޯޑް އަތުން ބަލިވެ، ޗެލްސީއަށް އިތުރު ނުތަނަވަސްކަމެއް

އިނގިރޭސި ޕްރިމިއާ ލީގްގައި ޗެލްސީ އާއި ބްރެންޓްފޯޑް ބައްދަލުކުރިމެޗުން ޗެލްސީ ބަލިވެ އެޓީމަށް އިތުރު ނުތަނަސްކަމާ ކުރިމަތިލާން ޖެހިއްޖެއެވެ.

ބްރެންޓްފޯޑްގެ ދަނޑުގައި ކުޅުނު މިމެޗް ޗެލްސީގެ މައްޗަށް އެޓީމް ކުރި ހޯދާފައިވަނީ 3-0 ގެ ނަތީޖާއިންނެވެ. މި މެޗުގައިވެސް ޗެލްސީގެ ޑިފެންސްލައިނުންނާއި ސެޓް-ޕީސްތަކުގެ ބަލިކަށިކަމުގެ ފައިދާ ނަގައި ބްރެންޓްފޯޑުން ވަނީ ޗެލްސީގެ ގޯލަށް ނުރައްކާކޮށް ލަނޑުތައް ޖަހާފައެވެ.

މިމެޗްގައި ބްރެންޓްފޯޑުން ލަނޑުތައް ޖަހާފައިވަނީ ފަހު ހާފްގައެވެ. އެގޮތުން މެޗުގެ ފުރަތަމަ ލަނޑު 61 ވަނަ މިނެޓް ތެރޭގައި ކޯނަރަކުން ޖޭޑަން އެންތަނީ ކާމިޔާބުކޮށްދިންއިރު، ދެވަނަ ލަނޑު ކައުންޓަރ އެޓޭކެއްގައި ޖެހީ އީގޯ ތިއާގޯއެވެ. ބްރެންޓްފޯޑުގެ ފަހު ލަނޑު މެޗުގެ އެންމެ ފަހު ވަގުތުކޮޅުގެ ތެރޭގައި ކާމިޔާބުކޮށްދިނީ އަނިޔާއިން އެނބުރި އައި ފަބިއޯ ކަރަވާލިއޯއެވެ.

މި ނަތީޖާގެ ސަބަބުން ޗެލްސީގެ ކޯޗް ޒަބީ އެލޮންސޯއަށް އިތުރު ފިއްތުންތައް ވަނީ ކުރިމަތިވެފައެވެ. މި ނަތީޖާއާއެކު ޗެލްސީ ވެފައިވަނީ މި ސީޒަނުގެ ޕްރިމިއަރ ލީގުގައި މިހާތަނަށް އެންމެ ގިނަ ލަނޑު ކޮޅަށް ވަން ޓީމަށެވެ. އެ ޓީމުން ކުޅުނު ފަސް މެޗުގައި 12 ލަނޑު ވަދެފައިވާއިރު، އެއްވެސް މެޗެއްގައި ކޮޅަށް ލަނޑެއް ނުވަދެ ހިފަހައްޓާލެވިފައެއް ނުވެއެވެ.

އަނިޔާގެ ސަބަބުން ޓީމުގެ މުހިންމު ކުޅުންތެރިން ކަމަށްވާ ޔާއޯ ޕެޑްރޯ އާއި މޮއިސަސް ކައިސޭޑޯ ނެތުމުގެ ދަތިކަން ޗެލްސީއަށް މި މެޗުގައި ވަރަށް ބޮޑަށް ކުރިމަތިވިއެވެ. ޕެޑްރޯގެ ބަދަލުގައި ކުޅުނު ޑެނީ ވެލްބެކަށާއި، ކައިސޭޑޯގެ ބަދަލުގައި ކުޅުނު ޖޯޑަން ހެންޑަސަންއަށް އެދެވޭ ކުޅުމެއް ނުދެއްކުނުއިރު، މުޅި މެޗުގައިވެސް ޗެލްސީއަށް ބްރެންޓްފޯޑުގެ ގޯލަށް ނުރައްކާ ކުރެވުނީ މަދު ފަހަރަކުއެވެ.

މެޗަށްފަހު ޕޮއިންޓް ތާވަލް މިހާރު އޮތްގޮތަށް ބަލާއިރު ބްރެންޓްފޮޑް 9 ޕޮއިންޓާއެކު ތާވަލްގެ ތިންވަނައަށް ޖެހިލިއިރު، ޗެލްސީ އުޅެނީ 7 ޕޮއިންޓާއެކު ތާވަލްގެ 7 ވަނާގައެވެ.