ބާސެލޯނާގެ ކޯޗު ހެންސީ ފްލިކު
ބާސެލޯނާގެ ކޯޗު ހެންސީ ފްލިކު
ކުޅިވަރު 18 Oct 2025 | 11:45

ވިލަރެއަލް މެޗު މަޔާމީގައި ކުޅެން ހިތްހަމަ ނުޖެހޭ: ފްލިކް

ސްޕެއިންގެ ލަލީގާގައި ބާސެލޯނާ އަދި ވިލަރެއަލް ކުޅޭ މެޗު އެމެރިކާގެ މިއާމީގައި ކުޅެން ހިތްހަމަ ނުޖެހޭ ކަމަށް ބާސެލޯނާގެ ކޯޗު، ހެންސީ ފްލިކް ބުނެފިއެވެ.

މިރޭ ޖިރޯނާއާ ދެކޮޅަށް ކުޅޭ މެޗުގެ ކުރިން ބޭއްވި ނޫސްވެރިންގެ ބައްދަލުވުމުގައި ފްލިކު ބުނީ، ބާސެލޯނާގެ އެ މެޗު މިއާމީގައި ބޭއްވުމަށް އޭނާ އަދި ކުޅުންތެރިން ވެސް ނުރުހޭ ކަމަށެވެ. އެހެން ނަމަވެސް ލީގުން ނިންމި ނިންމުމަށް އިޙްތިރާމުކުރާނެ ކަމަށް އޭނާ ބުންޏެވެ.

"ކުޅުންތެރިން ވެސް އަދި އަހަރެން ވެސް މިކަމާމެދު ހިތްހަމައެއް ނުޖެހޭ. އެކަމަކު ލަ ލީގާއިން ނިންމާފައި އޮތީ މެޗު މަޔާމީގައި ކުޅުމަށް. އެހެންވީމާ އަހަރުމެން އެ ނިންމުމަށް އިހުތިރާމްކުރާނަން. ނަމަވެސް މިއީ އެންމެ ރަނގަޅު ގޮތެއް ނޫން،" ފްލިކު ބުންޏެވެ.

މި އަހަރުގެ ޑިސެމްބަރު މަހުގެ 21 ވަނަ ދުވަހު ކުޅޭ އެ މެޗާއި ގުޅިގެން ސްޕެއިންގެ ކުޅުންތެރިންގެ ޔޫނިއަން (އޭއެފްއީ) އިން ވަނީ މި ހަފްތާގައި ކުޅުނު ހުރިހާ ލަ ލީގާ މެޗުތަކެއްގައި ކުރު އިހުތިޖާޖެއް ކޮށްފައެވެ. އެގޮތުން މެޗުތައް ފެށުމާއެކު ކުޅުންތެރިން 15 ސިކުންތު ވަންދެން ހުއްޓިލައިގެން ތިބީ ލީގުން ނިންމާ ނިންމުންތަކުގައި ހާމަކަން ބޮޑުކޮށް، ކުޅުންތެރިންނަށް އިހުތިރާމްކުރުމަށް އެދިއެވެ.

އެގޮތުން އޭއެފްއީގެ ރައީސް ޑޭވިޑް އަގާންޒޯ ބުނީ މި އިހުތިޖާޖަކީ ސްޕެއިންގެ ފުޓްބޯޅަ ބޭރު ގައުމުތަކަށް ތަޢާރަފުކުރުމާ ދެކޮޅަށް ކުރި ކަމެއް ނޫން ކަމަށާއި، އެހެން ނަމަވެސް މިފަދަ ނިންމުންތައް ނިންމާއިރު ކުޅުންތެރިންނާއި ކްލަބުތަކާ މަޝްވަރާކުރަން ޖެހޭނެ ކަމަށް އޭނާ ބުންޏެވެ.

އެހެން ނަމަވެސް އެ މެޗު މިއާމީގައި ކުޅުން ދިފާޢުކޮށް ލަ ލީގާގެ ރައީސް ހަވިއާ ޓެބާސް ބުނީ މި ނިންމުމަކީ ލީގުގެ މަޤްބޫލުކަން އިތުރުކޮށް، އާމްދަނީ އިތުރުކުރުމަށް ލިބޭނެ ފުރުސަތެއް ކަމަށެވެ. އަދި ދެ ޓީމަށް ވެސް ދަތުރުފަތުރުގެ އެހީތެރިކަމާއި އިތުރު އަރާމު ދުވަސްތަކެއް ދޭނެ ކަމަށް ލީގުން ވަނީ ވަޢުދުވެފައެވެ.

މި މެޗު ކުޅުމަށް ހަމަޖެހިފައިވަނީ މި އަހަރުގެ ޑިސެމްބަރު 21 ވަނަ ދުވަހު، ރާއްޖެގަޑިން ހެނދުނު 6:00 ޖަހާއިރު. އެއީ އެމެރިކާގެ ގަޑިން ރޭގަނޑު 08:00 ޖަހާއިރުއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.