ޔުއެފާ ޗެމްޕިއަންސްލީގް ކުއާޓާ ފައިނަލުގެ ޖާގައެއް އާސެނަލް ހޯދައިފި

ޔުއެފާ ޗެމްޕިއަންސްލީގްގައި ރޭ ޖަރުމަނުވިލާތުގެ ބެޔާ ލެވަކޫސެން ބަލިކުރުމަށްފަހު މުބާރާތުގެ ކުއާޓާ ފައިނަލުގެ ޖާގައެއް އާސެނަލް ހޯދައިފިއެވެ.

ޗެމްޕިއަންސްލީގްގައި ލެވަކޫސެން އާ ދެކޮޅަށް ކުޅުނު މިމެޗް އާސެނަލް ކާމިޔާބުކުރީ 2-0 ގެ ނަތީޖާއަކުންނެވެ. މި ލެގްގައި ޖަރުމަނުވިލާތުގައި ކުޅުނު ފުރަތަމަ މެޗް ނިމުނީ 1-1 ގެ ނަތީޖާއަކުންނެވެ. އެހެންކަމުން ރޭގެ މެޗް އާސެނަލް ފެށީވެސް އެޑްވާންޓޭޖަކާއެކުގައެވެ.

އާސެނަލްގެ އެމިރޭޓްސް ސްޓޭޑިއަމްގައި ކުޅުނު މިމެޗްގައި އެޓީމަށް ގޯލް ހުޅުވާލަދިނީ ފުރަތަމަ ހާފްގެ 36 ވަނަ މިނެޓް ތެރޭގައި އެޒޭ އެވެ. މެޗްގައި ފެނިގެންދިޔަ އާސެނަލްގެ ދެވަނަ ލަނޑު ޖަހައިދިނީ، 63 ވަނަ މިނެޓް ތެރޭގައި ރައިސް އެވެ.

ރޭގެ މެޗުން ލިބުނު މޮޅާއެކު އާސެނަލުން ކުއާޓާ ފައިނަލުގެ ޖާގައެއް ކަށަވަރުކުރީ ކުޅުނު ދެމެޗްގެ އެގްރިގޭޓް ނަތީޖާއަށް ބަލައި، 3-1 ގެ ނަތީޖާއިންނެވެ. މެޗްގައި އާސެނަލަށް ނަތީޖާ ތަފާތުކޮށްލާނެ ގިނަ ފުރުސަތުތައް ވަނީ ލިބިގެންގޮސްފައެވެ. މީގެ ތެރެއިން ބައެއް ހަމަލާތައް ލެވަކޫސެންގެ ކީޕަރު ވަނީ ދިފާއުކޮށްފައެވެ.

ޗެމްޕިއަންސްލީގް ކުއާޓާ ފައިނަލުގައި އާސެނަލް ނިކުންނާނީ، ޕޯޗްގަލްގެ ސްޕޯޓިންއާ ދެކޮޅަށެވެ.