ޗެލްސީ އާއި މެންޗެސްޓަރ ސިޓީ ޗެމްޕިއަންސް ލީގުން ކަޓައިފި

ޔުއެފާ ޗެމްޕިއަންސްލީގް ކުއާޓާ ފައިނަލަށް ނުގޮސް އިނގިރޭސިވިލާތުގެ މެންޗެސްޓަރ ސިޓީ އާއި ޗެލްސީ ކަޓައިފިއެވެ.

މެންޗެސްޓަރ ސިޓީ މުބާރާތުން ކަޓާފައިވަނީ ރޭ ދެވަނަ ބުރުގައި ސްޕެއިންގެ ރެއާލް މެޑްރިޑާ ދެކޮޅަށް ކުޅުނު މެޗުން 2-1 ގެ ނަތީޖާއަކުން ބަލިވެގެންނެވެ. ރޭގެ މެޗްގައި މެހެމާނުންނަށް ގޯލް ހުޅުވާލަދިނީ 22 ވަނަ މިނެޓް ތެރޭ ލިބުނު ޕެނަލްޓީއަކުން ވިނިޝިއަސް ޖޫނިއަރ އެވެ.

އޭގެ ކުރިން މެޗްގެ 20 ވަނަ މިނެޓް ތެރޭގައި ކުޅުމުގެ ތެރެއިން ސިޓީގެ ބަނާޑޯ ސިލްވާ ބޯޅައިގައި އަތްލުމުން ރެފްރީ ވަނީ އޭނާއަށް ރަތް ކާޑެއް ދައްކައި ދަނޑުން ފޮނުވާލާފައެވެ. އެކަކު މަދުކޮށް ކުޅުނު ސިޓީން އެއްވަރުކުރީ 41 ވަނަ މިނެޓް ތެރޭގައި ހާލާންޑް ކާމިޔާބުކޮށްދިން ލަނޑުންނެވެ.

ވާދަވެރި ކުޅުމެއް ފެނިގެންދިޔަ މިމެޗްގައި ރެއާލްގެ ފަހު ލަނޑު ކާމިޔާބުކޮށްދިނީވެސް ވިނިޝިއަސް ޖޫނިއާއެވެ. ރޭގެ މެޗުން ލިބުނު މޮޅާއެކު ރެއާލުން މުބާރާތުގެ ކުއާޓާ ފައިނަލުގެ ޖާގައެއް ހޯދީ ދެމެެޗްގެ އެގްރިގޭޓް 5-1 ގެ ނަތީޖާއިންނެވެ.

ޔުއެފާ ޗެމްޕިއަންސްލީގުން ޗެލްސީ އަލްވަދާއު ކިޔާފައިވަނީ ފްރާންސްގެ ޕީއެސްޖީއާ ދެކޮޅަށް ކުޅުމު މެޗުން ބަލިވެގެންނެވެ. ޗެމްޕިއަންސްލީގް ދެވަނަ ބުރުގެ ފުރަތަމަ ލެގްގައި ޗެލްސީގެ ދަނޑުގައި ކުޅުނު މެޗް ޕީއެސްޖީ ކާމިޔާބުކުރީ 5-2 ގެ ނަތީޖާއަކުންނެވެ. އަދި ދެވަނަ ލެގްގެ މެޗް ޕީއެސްޖީ ރޭ ކާމިޔާބުކުރީ 0-3 ގެ ނަތީާއިންނެވެ.