ހާލަންޑް
ހާލަންޑް
ކުޅިވަރު 10 Jul 2026 | 09:11

ފްރާންސް އާއި މޮރޮކޯ ބައްދަލުކުރި މެޗުގައި ޕެނަލްޓީ ޖެހުން ލަސްކުރުމުން ހާލަންޑްގެ ފާޑުކިޔުން

ވޯލްޑް ކަޕްގެ ކުއާޓާ ފައިނަލުގައި ރޭ ފްރާންސް އާއި މޮރޮކޯ ބައްދަލުކުރި ފޯރިގަދަ މެޗުގައި، ފްރާންސްގެ ކީލިއަން އެމްބާޕޭ ޕެނަލްޓީ ޖެހުމަށް ގިނައިރުތަކެއް ވަންދެން މަޑުކުރަން ޖެހުމުން، ނޯވޭގެ ތަރި އާލިން ހާލަންޑް އެކަމަށް ފާޑުކިޔައިފިއެވެ.

މި މެޗުގައި ނުސައިރު މަޒްރާއީ އެމްބާޕޭއަށް ކުރި ފައުލަކާ ގުޅިގެން ލިބުނު ޕެނަލްޓީ ޖެހުމަށް އެމްބާޕޭއަށް 3 މިނެޓާއި 10 ސިކުންތު ވަންދެން މަޑުކުރަން ޖެހުނެވެ. މި ލަސްވުން ދިމާވީ ވީއޭއާރު އިން އެ ހާދިސާ ބަލަމުންދާތީއެވެ. މިކަމާ ގުޅިގެން އެމްބާޕޭ ހުރީ ރެފްރީ ފަކުންޑޯ ޓެލޯ އާއި އޮފިޝަލުންނާމެދު ވަރަށް ބޮޑަށް ހިތްހަމަނުޖެހިފައެވެ.

މިކަމަާ ގުޅިގެން ހާލަންޑް އޭނާގެ ސްނެޕްޗެޓްގައި ބުނެފައިވަނީ، ޕެނަލްޓީއެއް ޖެހުމަށް 5 މިނެޓު މަޑުކުރަން ޖެހުމަކީ މާ ގިނަ ވަގުތު ކަމަށެވެ.

ހާލަންޑްގެ ސްނެޕް

މީގެ އިތުރުން މަޝްހޫރު ފުޓްބޯޅަ އެނަލިސްޓް ރޯއީ ކީން ވެސް ވަނީ މިއީ އިންސާފެއް ނޫން ކަމަށް ބުނެފައެވެ. އޭނާ ބުނި ގޮތުގައި އެހާ ގިނައިރު މަޑުކުރަން ޖެހުމުން، ޕެނަލްޓީ ޖަހާ ކުޅުންތެރިޔާއަށް އޮންނަ ޕްރެޝަރު އިތުރުވެ، އެޑްވާންޓޭޖް ލިބެނީ އިދިކޮޅު ޓީމަށެވެ.

އެމްބާޕޭ ޖެހި ޕެނަލްޓީ މޮރޮކޯގެ ކީޕަރު ޔާސީން ބޫނޫ ވަނީ ދިފާއުކޮށްފައެވެ. ޕެނަލްޓީ ނާކާމިޔާބުވުމުން އެމްބާޕޭ ވަނީ އަނެއްކާވެސް ހިތްހަމަނުޖެހުން ފާޅުކޮށްފައެވެ.

މި މެޗުގެ ހުރިހާ އޮފިޝަލުންނަކީ އާޖެންޓީނާއަށް ނިސްބަތްވާ މީހުން ކަމަށް ވުމުން، ސޯޝަލް މީޑިއާގައި ގިނަ ބަޔަކު ވަނީ ފީފާގެ އެ ނިންމުމަށް ސުވާލު އުފައްދާފައެވެ. ނަމަވެސް، ފީފާއިން މީގެ ކުރިން ވެސް ވަނީ އެއް ގައުމެއްގެ ރެފްރީން މެޗުތަކަށް ހަމަޖައްސާފައެވެ. އޭގެ ތެރޭގައި އިނގިރޭސިވިލާތާއި މެކްސިކޯ ބައްދަލުކުރި މެޗުގައި އޮސްޓްރޭލިއާގެ ތިން ރެފްރީން ތިބިކަން ފާހަގަކޮށްލެވެއެވެ.

ފްރާންސް އާއި މޮރޮކޯ މެޗުގެ ރެފްރީން ހަމަޖެއްސީ މިދިޔަ ހޯމަ ދުވަހުއެވެ. އެއީ އާޖެންޓީނާ އާއި މިޞްރު ބައްދަލުކުރި މެޗުގެ ކުރިންނެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް

މިހާތަނަށް ކޮމެންޓެއް ނެތް

ގުޅޭ ލިޔުންތައް

ނިއުކާސަލް ޔުނައިޓެޑުން އާސެނަލް ހުއްޓުވައިފި
22 Nov 2026 ކުޅިވަރު

ނިއުކާސަލް ޔުނައިޓެޑުން އާސެނަލް ހުއްޓުވައިފި

އާސެނަލްއަށް މެޗުގެ ތެރެއިން ކުރިމަތިވި އެންމެ ބޮޑު ކަންބޮޑުވުމަކީ އެޓީމުގެ އިތުބާރު ގޯލްކީޕަރު ޑޭވިޑް ރާޔާގެ ކޮނޑަށް ލިބުނު އަނިޔާއަކާ ގުޅިގެން ބަދަލުކުރަން ޖެހުމެވެ. ކޯޗު މައިކަލް އާޓެޓާ ބުނިގޮތުގައި ރާޔާގެ އަނިޔާގެ ސީދާ ތަފްސީލެއް އެނގޭނީ މެޑިކަލް ޓެސްޓުތަކަށް ފަހުގައެވެ

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން
21 Nov 2026 ކުޅިވަރު

ފްލަމް މެޗް އެއްވަރުވެ، މެންޗެސްޓަރ ސިޓީއަށް ނުތަނަވަސްކަން

އަމިއްލަ ދަނޑުގައި ކުޅުނު މި މެޗުން ލިބުނު ޕޮއިންޓާއެކު، ސިޓީ ޖެހިޖެހިގެން ބަލިވަމުން އައި ސިލްސިލާއަށް ނިމުމެއް އައި ނަމަވެސް، ޓީމުގެ ކުޅުމާމެދު ސަޕޯޓަރުންގެ މެދުގައި ވަނީ ނުތަނަވަސްކަން ކުރިމަތިވެފައެވެ.

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި
21 Nov 2026 ކުޅިވަރު

މަޝްހޫރު ޓެނިސް ކުޅުންތެރިޔާ މެޑްވެޑެވް ރާއްޖެއަށް އަންނަން ކެތްމަދުވެފައި

މެޑްވެޑެވް އަކީ، މީގެ ކުރިން އޭޓީޕީ ވޯލްޑް ޓުއާގެ އެއްވަނަ ހޯދާފައިވާ އަދި 2021 ވަނަ އަހަރުގެ ޔޫއެސް އޯޕަން ޗެމްޕިއަންޝިޕްގެ ޗެމްޕިއަންކަން ވެސް ހޯދާފައިވާ ރަޝިޔާއަށް ނިސްބަތްވާ ނަން މަޝްހޫރު ޓެނިސް ކުޅުންތެރިއެކެވެ. އޭނާ ވަނީ، އޭޓީޕީ ވޯލްޑް ޓުއާ ސިންގަލްގެ 25 ޓައިޓަލް މިހާތަނަށް ހޯދާފައެވެ.

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް
21 Nov 2026 ކުޅިވަރު

އަދިވެސް މިފެންވަރުގައި ހިފަހައްޓާލެވޭނެ: ވެންޑައިކް

ލިވަޕޫލް ދޫކޮށްލަން ޖެހިއްޖެ ނަމަ އެއީ އޭނާއަށާއި އޭނާގެ އާއިލާއަށް ވަރަށް އަސަރުގަދަ ވަގުތަކަށް ވާނެ

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް
21 Nov 2026 ކުޅިވަރު

ހެރީ ކޭންއަށް ލިބުނު އަނިޔާއަކާ ގުޅިގެން ދުވަސް ކޮޅަކަށް ކުޅުމާ ދުރަށް

ކޭންއަށް މި އަނިޔާ ލިބުނީ މެޗުގެ 20 ވަނަ މިނެޓުގައި ކޯލޯންގެ ޑިފެންޑަރު ޖޮއެލް ޝްމިޑް ކުރި ޗެލެންޖެއްގެ ތެރެއިންނެވެ

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު
19 Nov 2026 ކުޅިވަރު

މެސީ ނެތި މިފަހަރު އާޖެންޓީނާއިން ދައްކާލީ ޓީމުގެ ކުރިމަގުގެ އުއްމީދު

ކޮސްޓަރިކާ ކާމިޔާބީއާ ގުޅޭގޮތުން ފުޓްބޯޅަ ދިރާސާކުރާ ފަރާތްތަކުން ބުނަނީ، މިއީ އާޖެންޓީނާގެ ތާރީޚުގައި މެސީގެ ހިޔަނިން ބޭރުވެ، އަމިއްލަ ފައިމައްޗަށް ތެދުވުމަށް އެޅުނު ވަރަށް މުހިންމު ފިޔަވަޅެއް ކަމަށެވެ.