މިއަދު ފިރިމީހާ ގާތު ބުނެގެން ރޯދަވީއްލާ ގަޑިއަށް މިގޮތަށް ފަލޫދާ ހަދާލަން ކިހިނެއްވާނެ؟

ފަލޫދާ އަކީ ދިވެހިންގެ ތެރޭގައި ވަރަށް މަގުބޫލު މީރު ބުއިމެކެވެ. ޚާއްސަކޮށް މިފަދަ ހޫނު ގަދަ ދުވަސް ތަކުގައި، ރޯދަ ވީއްލާ ގަޑީގައި ބުއިލަން ވަރަށް ކަމުދާނެ ރިފްރެޝިންގ ބުއިމެކެވެ. އެހެންކަމުން މިއަދު ވޮއިސްގެ ބަދިގެއިން މި ގެނެސްދެނީ މީރުކޮށް ފަލޫދާ ތައްޔާރު ކުރާނެ ގޮތުގެ ރެސިޕީއެވެ.

ބޭނުންވާ ތަކެތި

1 ޖޯޑު ރޯސް ސިރަޕް

3/4 ޖޯޑު ގެރިކިރު

2 ޖޯޑު ފުލްކްރީމް މިލްކް

4 ސައި ސަމުސާ އިސްބަގުލް (1/2 ޖޯޑު ފެނުގައި ފޯ ކޮށްފައި)

1 1/2 ޖޯޑު ވެނީލާ އައިސްކްރީމް

10 މޭޒުމަތީ ސަމުސާ ކުދިކޮށް ކޮށާފައި ހުރި ޖެލީ

ތައްޔާރު ކުރާނެ ގޮތް

1) ފުލްކްރީމް މިލްކާއި، ގެރިކިރާއި، ރޯސް ސިރަޕާއި އެކުލަވާލާށެވެ. ދެން ފިނިކޮށްލަން އައިސް އަލަމާރިއަށް ލާށެވެ.

2) ފަލޫދާ ތައްޔާރުކުރަންވީމާ، ބިއްލޫރިތަށީގެ ތެރެއަށް ½ 1 މޭޒުމަތީ ސަމުސާ ފޯކުރި އިސްބަގުލާއި 5 މޭޒުމަތީ ސަމުސާ ޖެލީ އަޅާލާށެވެ.

3) ދެން ފްރިޖަށްލީ ރޯޒް ސިރަޕް އެ ތައްޓަށް ތަށްޓަށް އަޅައި ގިރާލާށެވެ. އައިސްކްރީމް  އަޅަން ޖާގަ ބަހައްޓަންވާނެއެވެ. ދެން މަޑުމަޑުން 2 ސްކޫޕް އައިސްކްރީމް އަޅާލުމަށްފަހު ގާނިޝްކޮށްލަން ކުޑަ ޖެލީކޮޅެއް އަޅާލާށެވެ.